Page 15 - AM211101

Dialuna, 01 November 2021 AWEMainta.com 15
Chauffeur burachi a causa accidente

na rotonde di Tanki Leendert

Diasabra madruga Polis a bay rotonde di Tanki Leendert
pa un accidente frontal. Na yegada di Polis nan a topa
cu un Mitsubishi Lancer y un Kia Sportage, prome cos
cu a controla si tin hende herida y danki Dios esey no
tabata e caso.
Polisnan a constata mesora cu chauffeur di e Lancer ta
burachi. Den e Lancer tabatin 3 persona, 1 homber y
2 muher. Nan lo a sali for di un club unda cu nan lo a
bebe, y asina mes e homber a subi tras di stuur cu tur e
consecuencianan cu esaki por tin cu ne.

Den e bocht pariba di rotonde direccion Paradera, e ta
dal frontal contra un Kia Sportage.
Polis a pone supla y esaki no a sali na su fabor y a wordo
deteni y despues cu transportwagen a yega el a wordo
hiba Warda di Playa.
Takelwagen lo mester a move e auto for di caminda y a
hibe Balashi, pero unda e lo a ser poni pafo Polis no ta
responsabel si nan horta algo for di dje.