Page 18 - AM211101

18 AWEMainta .com Dialuna, 01 November 2021

Accidente dilanti Hilton Hotel a

caba cu detencion di dos persona

Diasabra algo prome cu 7’or di anochi, un

dama lo a wordo alcansa pa un auto dilanti
di Hilton Hotel. E dama a keda herida y no
tabata sinti su pianan. Mesora a pidi pa Polis y
ambulance bin n’e sitio.
Mientras tabata wardando riba presencia di
Polis y ambulance, e situacion n’e sitio a bay
completamente for di man.

E personanan cu tabata den compania di e
victima a cuminsa haci problema cu e chauffeur
cu a dal e dama cu auto. E situacion a bay
completamente for di man, na momento cu un
di e personanan aki a busca un cuchiu of algo
parecido y a hinca e chauffeur na su man.

Ora Polis a yega n’e sitio, nan a detene dos

homber, kendenan tabata den compania di e
dama. Dos ambulance a presenta n’e sitio y a
atende cu e dama cu a wordo alcansa p’e auto y
e chauffeur cu lo a wordo hinca pa un homber cu
tabata den compania di e dama.
Transport di C.E.A. a busca e dos detenidonan y
a transportanan pa Warda di Shaba, p’asina por

haci mas investigacion.

Polis tabatin e caminda dilanti di High Rise
Hotelnan sera y e trafico eybanda tabata un
chaos total, e tabata completamente pega.