Page 21 - AM211101

Dialuna, 01 November 2021 AWEMainta.com 21

CORSOU

Dos aksidente di tráfiko ku herido

WILLEMSTAD - Djasabra 30 di òktober 2021, alrededor di
01.05’or di madrugá, Sentral di Polis a risibí informashon
di dos aksidente di tráfiko ku a tuma lugar praktikamente
simultaneamente riba Presidente Romulo Betancourt
Boulevard na altura di Konsulado Merikano i riba Juliana
Brug.

Na yegada di e unidat dilanti di Konsulado Merikano a topa
ku 4 vehíkulo aksidentá i tabatin un persona pegá den un
di e vehíkulonan.

I n’e otro aksidente riba brùg tabatin mas o menos 15
vehíkulo enbolbí i ku 4 persona heridá, mientras un víktima
tabata pegá den un di e vehíkulonan.

Mester a pidi asistensia di ekipo di reskate di Brantwer pa a
saka e víktimanan ku tabata pegá den e vehíkulonan.
Ku ambulans a transportá e víktimanan den situashon di
preokupashon pa sala di emergensia di C.M.C. Situashon
di e dos víktimanan ku tabata pega den nan respektivo
vehikulonan, ta krítiko.

Algun otro víktima ku a sufri leshon menos grave, a keda
tratá n’e sítio mes i despues por a bai nan dòkter di kas.

For di un investigashon preliminar ku Polis a hasi n’e sitio a
resultá, ku debí na un aksidente ku tabatin riba Arubastraat,
a pone ku diripiente shofùrnan di e vehíkulonan a bai
aksidentá tras di otro. Departamentu di tráfiko ta kontinuá
ku e investigashon