Page 16 - AM211101
P. 16
16 AWEMainta .com Dialuna, 01 November 2021
Detencionnan dilanti bar restaurant na Paradera
Diabierna anochi algun rato prome cu e bar Great
Rich ta bay sera, Polisnan yega y staciona pafo, como
parti di e control grandi cu a wordo anuncia. Durante
cu nan tabata eynan a logra detene 3 chauffeur bou
influencia.
Un di nan cu tabata bayendo direccion rotonde
Paradera y mester a pasa nan dilanti a bay maniobra,
pero a dal contra acera y subi esaki halando atencion
di e Polisnan.
Mesora Polisnan a bay atende cu e chauffeur. Autoridad
a lage supla, y e no a logra supla manera mester ta y
despues di varios intento a bay over na detene.
El a admiti di a come y tambe “bebe un poco”. Un otro
Polis a spot e y esun di 3 lo a bay trata di bay cu su
auto, pero prome cu el a sali di e parkeer plaats a dal
un auto.
Pues asina tres persona a ser deteni durante diferente
time frame, e ultimo a sosode momento cu e
establecimiento a sera.
