Page 17 - AM211101
P. 17
Dialuna, 01 November 2021 AWEMainta.com 17
Tres persona deteni y un arma di candela confisca
despues di un tiramento den Village
Diasabra madruga un dama den su cas a scucha un of
mas tiro biniendo for di e basketball court den Village.
E dama a yama Polis y hopi liher Polis a yega den
Village. Banda di e basketball court un mucha
homber color scur a sali core y e Polisnan a sigui’e.
E mucha homber a core drenta den un cura di cas
den caya Sint Maarten.
Despues cu Polis a haya permiso, nan a drenta
y a detene e mucha homber. El a wordo hiba cu
transportwagen pa Warda di Polis na San Nicolas.
Segun nos a compronde Polis a haya e arma di
candela.
Un rato despues e Polisnan n’e cas a bay cu dos
persona mas. Un homber y un muher, e motibo no
ta conoci, probablemente nan lo mester tin algo di
haber cu e supuesto tiramento aki.
Recherchenan di Departamento Tecnico di Polis
tambe mester a presenta pa haci mas investigacion.
