Page 13 - AM211101

Dialuna, 01 November 2021 AWEMainta.com 13

Accidente entre tres auto na Paradera,

un chauffeur a bandona e sitio

Diabierna den oranan di atardi den
careda di 6’or a sosode un accidente
di trafico entre 3 auto. E accidente
a sosode momento cu un Nissan
Fuga bayendo direccion rotonde
Paradera a dal un Nissan Versa cu
a subi e crusada. Den e impacto un
Toyota Rav4 su bumper parti patras
a wordo ranca.

Segun chauffeurnan envolvi, e
Nissan Fuga a dal e Versa den porta
y despues baha caminda pa bay
termina riba e parkeerplaats di un
botique di paña eybanda.
Debi n’e impacto e Nissan Versa a
draai y baha caminda bek parti pa
zuid, y a keda para cerca di e antena
di Setar.
Polis na su yegada a pidi un
ambulance pa controla chauffeur di
e Versa, kende tabata sinti dolor y
alabes spanta.

Pa locual ta chauffeur di Nissan
Fuga, despues di papia cu otro
personanan envolvi a bandona e
sitio.
Un rato despues doño di e Nissan
Fuga mes a yega, y ta splica cu e
chauffeur di e Fuga ta bay pa test
drive e auto. E homber (chofer)
e conoce pa cara so y asina mes a
confie a bay test drive e auto cu e
tin na benta.

Pues awor e auto cu e tabata
bendiendo a wordo kibra y e homber
cu a bay test’e a bay tambe di e sitio.
Polis di Trafico a yega e sitio y tabata
esun encarga pa tuma tur dato.
Paramediconan a controla
chauffeur di e Versa n’e sitio mes.