Page 10 - AM211101
P. 10
10 AWEMainta .com Dialuna, 01 November 2021
Durante control di trafico,
Polis a tuma dos party bus den beslag, e busnan
tabata riba un trip cu un grupo di hende abordo
Diabierna for di atardi por a mira na diferente punto
strategico, Polis haciendo control di trafico, dus controla si
e documentonan di e auto y chauffeur ta na ordo y tambe
riba Green Corridor nan tabata controlando velocidad di
tur vehiculo cu pasa.
Un team di Polis cu tabata controlando den Oranjestad a
para un party bus na altura di oficina di A.T.A. pa controla si
e papelnan di e bus ta na ordo. E bus su papelnan no tabata
na ordo y Polis a tuma e desicion di confisca e bus.
Den e bus tabatin un grupo di hende, kendenan lo a huur
esaki pa un bus trip. Polis no laga e grupo di hendenan aki
na pia, a dicidi di escolta e bus te n’e parkinglot pariba di
Citgo Paradera.
Na Paradera e grupo di hende a baha y djey a tuma e bus den
beslag pa falta di documento. Como 4 unidad di Motorunit
a escolta e bus pa Paradera.
Un rato despues Polis a bolbe confisca un otro party bus,
na altura di Linear Park. Aparentemente esaki tambe su
documentonan no tabata na ordo.
E busnan a wordo hiba na Warda di Polis, un a wordo hiba
te na Warda di Polis na San Nicolas.
