Page 4 - HOH

22 SALUD AWEMainta
Pega den bo pensamentonan:
E ansiedad keto cu mayoria hende no ta mira
MAYORIA hende ta pensa riba ansiedad manera man ta tembla, atake di panico, rosea
rapido, of angustia visibel. Pero e berdad ta cu ansiedad tin un forma mas keto, mas
engañoso—uno cu ta sconde den bista di tur hende y hopi biaha ta wordo descarta
como “djis pensa demasiado” (overthinking). Pa hopi hende, ansiedad no ta mustra
manera miedo. E ta mustra manera un mente cu nunca ta stop di papia, analisa, predici,
of imagina lo peor. E ta parce un zonido mental constante cu ta sinti imposibel pa paga.
E version keto aki di ansiedad ta hopi mas comun cu mayoria hende ta admiti. E no
ta explota b ay afo; e ta bira pa paden, e ta draai den circulo door di posibilidadnan
infinito, scenarionan, y preguntanan di “kico si...”. E persona cu ta experenci’e por parce
trankil, hasta funcional, pero paden nan pensamentonan ta core na velocidad maximo.
Hopi biaha ta malcompronde “pensa demasiado” como un rasgo di personalidad—algo
cu ta sosode pasobra un persona ta mucho analitico of mucho sensitivo. Pero ora pensa
hopi bira compulsivo, intrusivo, y agotador, e no ta mas un maña di personalidad: E ta
un sintoma di ansiedad.
Un mente ansioso no ta djis “pensa mucho.” E ta pensa den circulo, sin resolucion,
buscando siguridad den informacion y certesa. Ansiedad ta convence bo cu si bo pensa
largo suficiente, duro suficiente, y profundo suficiente, bo por preveni desaster. Pero en
bes di claridad, bo ta haya paralisis. En bes di pas, bo ta haya mas pregunta. En bes di
contesta, bo ta haya mas pregunta.
Diaranson, 26 November 2025
Y esaki por sigui bo tur caminda. Ora bo lanta mainta.
Ora bo ta trahando. Ora bo ta stuur. Ora bo ta purba
drumi. E mundo rond di bo por ta keto, pero bo mente
ta nenga di ta mescos.
E tipo di ansiedad aki ta specialmente peligroso
pasobra e ta invisibel. E hendenan cu ta sufri di dje hopi
biaha ta parce manera nan “tin tur cos bou control”—
organisa, atento, responsabel. Pero tras di e exterior
trankil ey tin un cerebro cu ta nenga di descansa. E
personanan aki hopi biaha ta bira e “problem-solvers,”
e planificadornan, esnan riba ken tur hende ta confia.
Nan ta wordo elogia pa ta detayista y prepara, mien-
tras internamente nan ta hogando den nan mesun
pensamentonan.
Loke ta haci ansiedad disfrasa como “pensa demasiado”
asina dificil pa confronta ta cu e ta sinti familiar. Hopi
hende no ta ni realisa cu algo ta fout pasobra nan
mente tabata yen di pensamento pa asina tanto tempo
cu silencio ta sinti no-natural. Pas ta sinti sospechoso.
Calma ta sinti imposibel. Y pidi yudansa ta sinti innec-
esario pasobra “asina mi mente ta traha.”
Pero e no tin cu ta asina.
Compronde e conexion entre ansiedad y pensa
demasiado ta e prome paso pa curacion. Ansiedad
ta prospera den incertidumbre, pero e berdad ta cu
ningun cantidad di pensa por garantisa control. E
mente mester descanso. E mester permiso pa stop di
core.
E mente no ta traha pa ta den “modo di sobrevivencia”
(survival mode) tur ora. Desordo mental constante
no ta normal—e ta un señal cu bo mente ta cargando
mucho hopi, mucho lihe, pa mucho tempo.
Pensa demasiado no ta un fayo di personalidad. Tin
biaha, e ta ansiedad disfrasa—y e merece di wordo
tuma na serio.