Page 12 - MIN JUS 6 APRIL 2016

A pidi un reunion pa trata caso di criatura cu a kima
Publication: Tuesday, 5 April 2016. Categoria: General

pa evita algo asina sosode den futuro
ORANJESTAD (AAN): Pa medio di e comunicado di prensa aki director di ImSan kier a clarifica loke a sali den prensa relaciona
cu e criatura cu a kima cu awa cayente.

E centralista di departamento di bombero a comunica berdad cu e tres ambulancenan puntrando si nan tabata ocupa, pero
no a bisa nan cu tabatin un caso di un criatura cu kemadura na Sero Alejandro, tampoco e centralista a comunica cu e rapid
responder tocante e caso aki cu na e momento ey tabata na e post di ambulance na Wayaca.

Como cu e OVD o sea e rapid responder pa medio di su radio a tende e centralista ta puntra e personal di e tres
ambulancenan si nan ta ocupa el a dicidi di tuma contacto cu centralista, e ora ey numa e centralista a bise cu ta trata di un
criatura cu kemadura na Sero Alejandro.

Di biaha e OVD bisa e centralista pa desvia e ambulance cu e momento ey tabata banda di Savaneta y cu tabata bayendo
Centro Medico pa busca un pashent pa pasa busca e criatura.

Lamentablemente e centralista pa un motibo of otro no a haci esaki. Mester remarca cu tur comunicacion cu ambulance ta
bay via e centralista (911).

Director di ImSan ya den weekend a yama e comandante di departamento di bombero, señor de Cuba, pa pidie pa un reunion
pa asina trata e caso aki y pa pasa riba e proceduranan pa asina evita cu algo asina pasa den futuro.

Director di ImSan ta gradici e polisnan cu a mira e urgencia di e caso y a transporta e criatura pa Centro Medico y tambe ta
desea e criatura un pronto recuperacion.

Leave a Reply
http://www.diario.aw/2016/04/a-pidi-un-reunion-pa-trata-caso-di-criatura-cu-a-kima/