Page 15 - MIN JUS 6 APRIL 2016

Homber cu a maltrata baby ta keda encarcela

Publication: Tuesday, 5 April 2016. Categoria: Judicial

ORANJESTAD (AAN) – E caso di e homber cu a maltrata e baby di apenas 2 luna, a shock henter comunidad. Ningun hende por
a kere cu un homber ta bay asina leu di maltrata un criatura di 2 luna di tal forma cu e criatura a sufri diferente fractura.
Ta asina cu e homber J.J.T.(27) a wordo deteni dia 16 di Maart 2016. Su detencion a keda prolonga pa 8 dia pero despues a
bolbe wordo prolonga.
Den combersacion cu e vocero di Ministerio Publico, el a duna di conoce cu J.J.T. ta deteni y cu Ministerio Publico ta acus’e di
maltrato severo.
Posiblemente mirando e gravedad di e caso, J.J.T. lo keda encarcela te dia cu e caso bin dilanti. Tur hende ta ancioso pa sa kico
tabata e motibo cu un persona ta bay asina leu ta maltrata un criatura di e forma aki.
Ta ora di tratamento di e caso, hopi di e informacionnan ta bin dilanti pasobra Hues ta confronta e sospechoso cu tur e
hechonan y tambe su declaracion.
DIARIO no ta bay specula nada y ta warda pa dia di tratamento di e caso pa informa lectornan.

http://www.diario.aw/2016/04/homber-cu-a-maltrata-baby-ta-keda-encarcela/