Page 13 - MIN JUS 6 APRIL 2016

Curpa di señora maltrata y cu despues a muri, a wordo manda Hulanda pa investigacion
Publication: Tuesday, 5 April 2016. Categoria: Judicial

Ministerio Publico ta pendiente resultado
ORANJESTAD – Mientras cu e homber M.A.B.(50) ta keto bay deteni como sospechoso di a dal mata su tanta, tin un
investigacion di parti di Instituto Forence na Hulanda tumando lugar riba e curpa di e señora.
Investigacion cu DIARIO a haci ta mustra cu desde 23 di Maart 2016, M.A.B. ta deteni caminda Ministerio Publico ta
sospecha M.A.B. di a mata su tanta.
Manera ta conoci, M.A.B. lo a maltrata su tanta, cu a causa cu su tanta mester a wordo hospitaliza. Algun dia
despues, e tanta a fayece.
Ministerio Publico ta sali for di e punto di bista cu M.A.B. a haci un crimen o sea maltrato cu consecuencia morto.
Pa tin mas prueba, Minsterio Publico a manda e curpa di e señora Instituto Forence na Hulanda (NFI) caminda e
expertonan lo haci un investigacion hopi detaya pa determina kico lo tabata causa di morto di e señora.
DIARIO por a compronde cu ya caba e autopsia y e investigacionnan detaya a tuma lugar na Hulanda y dentro di
poco e curpa lo ta bek na Aruba.
Den combersacion cu e vocero di Ministerio Publico, el a duna di conoce cu Ministerio Publico no por bisa nada ainda
di e investigacion haci na Hulanda. Aparentemente e Fiscal concerni cu e investigacion sa kico e resultado ta pero lo
mester warda riba e raportnan y confronta esaki cu e sospechoso y tambe e abogado di e sospechoso.
Despues cu e procedura ey tuma lugar, posiblemente Ministerio Publico lo por duna mas informacion.

http://www.diario.aw/2016/04/curpa-di-senora-maltrata-y-cu-despues-a-muri-a-wordo-manda-

hulanda-pa-investigacion/