Page 21 - AM200420

Dialuna, 20 April 2020 AWEMainta 21

Crusando Watty Vos Boulevard,

peaton a cay dal su cabes

DIASABRA atardi pasa di 4’or, Polis a bay cu urgen-
cia rotonde Cumana cu ta conecta cu Watty Vos Boule-

vard, unda cu auto lo a dal un persona.
Na yegada di e patruyanan, a constata cu esey no ta-

bata e caso. Enberdad a bin haya un cabayero herida,

pero esaki debi cu el a trompica cay dal su cara/cabes.

E persona ta un persona conoci pa Polis y lo ta biba un

poco pariba di rotonde di Dadelstraat. Paramediconan
a atende y cu un poco dificultad a lante y transporte pa

Hospital, unda e lo mester haya atencion medico.

Chauffeur a keda deteni

pa ta riba caminda sin

permiso durante TdQ

DIASABRA anochi algo despues di 9’or di anochi, Polis

manera ta custumber ta subi caya patruya den tur bario

y skina di Aruba. Durante e Toque de Queda di diasabra
anochi no ta un excepcion, Patruya di Polis coriendo rond

a bin topa na altura di Venezuelastraat un auto riba caya.

Mesora e Polisnan a para e auto aki y ta puntra e

chauffeur si e tin permiso pa subi caya, cual no tabata
e caso y mesora e chauffeur a keda deteni y transporta

pa Warda di Polis caminda el a presenta dilanti Sub
Fiscal y pasa anochi den un cel na Warda di Polis. Riba

dje el a ricibi un boet tambe di mil florin pa falta di

cumplimento cu Toque de Queda.