Page 19 - AM200420

Dialuna, 20 April 2020 AWEMainta 19

Candela durante Toque de Queda a bira un trend

DIADOMINGO madruga pa mas o menos 3’or, habi-
tantenan ta informa di un candela grandi den Archime-

desstraat. Mesora Polis ariba caya a bay dicho direccion..

Drentando e caya nan por a mira un candela, cu tabata

uno grandi. Yegando cerca a nota cu ta un container di su-
shi tabata na candela. Diripiente tabatin algo cu a explota

den e container.

A pidi Brandweer pa pura, mirando cu cerca di e container
tin un auto staciona. Na yegada di Bomberonan, mesora a

benta awa riba e candela dominando esaki.

Cendemento di candela den oranan di anochi di Toque de

Queda a bira manera un trend, desde prome dia den bari-
onan rond di Aruba desconocirnan ta cende candela.

Candelanan cu ta wordo cendi ta tire riba caminda, mon-

di, palet, barinan di sushi.

Candela den baki

pickup a kima saco

di batata y a haci

hopi daño n’e auto

DIASABRA pa mas o menos 11’or y mey di mainta,
presencia di Polis y Bombero a wordo pidi cu ur-

gencia pa un Nissan pickup cu e baki di e pickup

tabata na candela.

Na yegada enberdad nan ta bin nota cu e den e baki di

e pickup a start un candela, den e baki tabatin saco di
batata y algun cos mas.

E candela a haci hopi daño n’e pickup, pero tambe na dado

momento e batatanan a cuminsa kima. Algun persona

cu tabata pasando eybanda a para pa yuda e doño, cu un
brandblusser y asina nan a logra paga e candela.

Na yegada di Brandweer tog nan a spuit e pickup cu awa
pa ta sigur cu no tin mas candela. Polis a atende cu e doño

di e pickup y a tuma tur dato di loke a caba di sosode.