Page 20 - AM200420
P. 20
20 AWEMainta Dialuna, 20 April 2020
Cacho brabo a morde un dama banda
di un supermarket den Weststraat
DIASABRA den oranan di merdia presencia di
Polis y ambulance a wordo pidi na altura di Feng Da
Supermarket den Westraat. Pa motibo cu un dama
a wordo ataca y mordi pa un cacho grandi.
E dama tabata canando eybanda y e cacho a subi
caminda bin ataca y morde e dama. E dama a haya
un mordi basta profundo na su brasa robes y tambe
na su pia.
E doño di e cacho a presenta y e Polisnan n’e sitio
a papia cu ne y despues e doño a papia cu e victima
tambe.
Na yegada di ambulance, personal di ambulance a
bay atende cu e victima. Nan a haci e herida limpi
y a conseha e victima p’e bay hospital pa tuma un
hangua di tetanus.
