Page 16 - AM200420
P. 16
16 AWEMainta Dialuna, 20 April 2020
Durante Toque de Queda:
Pleitamento na un cas a caba cu
detencion di un persona bou influencia
DIASABRA anochi den careda di 11’or, presencia di
Polis a wordo pidi cu urgencia na un adres den Cano-
astraat pa un grupo di hende. Mesora varios patruya a
bay direccion di Canoastraat, pero na momento cu nan
a yega ey banda tur cos tabata mustra hopi keto.
Un rato despues atrobe a bolbe pidi pa presencia di
Polis, paso tin un pelea andando, e biaha aki si Polis a
baha bay n’e cas y enberdad n’e parti patras tabatin un
bringamento.
Un homber bou influencia tabata haciendo problema,
e tabata pleitando cu un of mas persona cu tabata biba
n’e apartamento banda di e cas.
Na momento cu Polis a acerca e homber, e no kier a
rasona, el a cuminsa insulta Polis y no kier a coopera
cu Polis.
No a keda Polis nada otro cu detene e homber aki. Me-
sora a pidi pa transportwagen pa transporta e homber
pa Warda di Polis caminda e lo mester presenta dilanti
Sub Fiscal y duna cuenta di su actonan.
