Page 15 - AM200420

Dialuna, 20 April 2020 AWEMainta 15

Durante Toque de Queda:

Muher a pone homber pafo di cas

DIASABRA poco prome cu mey anochi presen-

cia di Polis a wordo pidi cu urgencia na un adres
na Bubali, caminda lo tin un problema di pareha,
cu ta bayendo for di man y di cual lo tin supuesta-

mente cuchiu envolvi.

Na yegada e agentenan policial a bin topa cu un homber

lomba sunu para pafo di e cas. E agentenan mesora a
bay papia cune y el a splica nan cu haña problema cu un

dama n’e cas y cu e dama no lo kier’e paden di e cas mas.
Polis a bati n’e porta di e cas, pero niun hende no kier a

sali pa atende cu Polis.

E Polisnan a bay bati na un bentana di e cas caminda e
dama lo mester ta, despues di basta batimento pa nan

habri e porta. Dos dama a dicidi di habri e porta di cas.
Na momento cu nan a habri e porta, nan tabata manera

kier a haci basta pret cu e Polisnan, pero Polis a papia cu
nan y a scual e damanan aki, splicando nan un cu otro y

tambe a tuma nan datonan.

Despues nan a tuma dato di e homber, Polis a bis’e p’e
piki su cosnan y pa evita cu e homber haña mas problema

cu e damanan, Polis a dicidi di bay cu e homber warda,
p’e por entrega un keho y busca un otro lugar di keda.