Page 8 - AHATA
P. 8
26 COMUNIDAD AWEMainta Diaranson, 25 September 2024
Aruba Bank ta un patrocinado orguyoso di
e “Caribbean Journalism Seminar 2024”
ARUBA Bank ta orguyoso di a patrocina e prome “Caribbean
Journalism Seminar 2024”, organisa pa Red Arubiano
di Prensa Profesional (RAPP), cu a tuma luga riba 20 di
september na Impact Hub Aruba.
E evento, cu a wordo asisti pa mas di 60 profesionalnan di
media, studiante y individuonan interesa den e topico di
periodismo den Caribe, a resulta un exito rotundo.
E tema di e seminario, “Turning Challenges into Opportunities”,
a elabora riba retonan importante cu periodistanan ta
enfrenta den comunidadnan den Caribe, cu enfoke special
riba manera cu nan por supera e retonan aki atraves di inno-
vacion y colaboracion. Durante e seminario tabata tin un
presentacion clave di nos colega Marlon Kock, Ingeniero di
UX na Aruba Bank. Marlon a tene un charla interesante riba
e rol di toolsnan pa AI den empoderando periodistanan di
Caribe, mustrando tecnica moderno cu por wordo uza pa
fortalece periodismo investigativo y promove responsabil-
idad.
Como un patrocinado, Aruba Bank ta reafirma su compro-
miso pa sigui duna sosten n’e desaroyo di periodismo profe-
sional den Aruba y den Caribe. Nos ta honra di por contribui
na un evento cu ta nifica crecemento y educacion di peri-
odistanan, pues nos ta kere firmemente cu un prensa liber,
responsabel y bon informa ta esencial pa desaroyo continuo
di nos comunidadnan.
E seminario di e aña aki ta marca e prome evento cu RAPP
ta aspira pa bira uno anual, celebrando Dia di Prensa y
fortalece e bos di periodismo Caribense atraves di entre-
namento, desaroyo etico y abogacia. Aruba Bank ta spera
di por sigui duna sosten na iniciativa cu ta stimula transpar-
encia, integridad, y involucracion comunitario.
