Page 23 - MIN VOS

24 AWEMainta Diabierna, 22 September 2017

Mini cancha di futbol cu yerba DIARANSON atardi Prome Minister Mike Eman

artificial a habri na Centro di tabatin e satisfaccion y orguyo di por a inaugura otro
mini cancha di futbol cu yerba artificial. E biaha aki e
Bario Ayo y becindario bario beneficia pa un facilidad deportivo asina ta Ayo.
E apertura a tuma lugar na sede di Centro di Bario
Ayo y becindario den presencia di directiva, mucha y
mayornan di e bario y oficina di BoBario.

Directiva di Centro di Bario Ayo a prepara un pro-
grama chikito p’e ocasion den cual Presidente di Hunta
Directiva, Jason Kelly a hiba palabra pa remarca e
importancia di e momento, gradicimento na Premier
Eman p’e iniciativa y tur esnan cu a haci e proyecto
un realidad, manera COA, VNO y Cede Aruba. Tambe
e Presidente di Centro di Bario ta anuncia cu e mini
cancha ta dedica na sr. Raymundo Kelly.

Di e manera aki ta duna honor na un figura hopi im-
portante p’e bario y p’e organisacion di Centro di Bario,
kende pa decadanan largo a dedica hopi tempo, trabou
y dedicacion na maneho di e centro y organisacionnan
di actividadnan social pa henter e bario.
Sr. Raymundo Kelly a bin dilanti y tambe tabatin
oportunidad di hiba palabra expresando su emocion p’e
gesto aki y gradicimento. E dedicatoria ta marca den
un plachi di palo kima traha pa Modechi Werleman.

E ceremonia di apetura na Ayo a continua na momento
cu Prome Minister Eman hunto cu sr. Raymundo Kelly
y directiva di Centro di Bario, ademas di algun mucha,
a skop e prome balanan den gol p’asina declara e can-
cha oficialmente habri. Esaki t’e di tres mini cancha cu
ta inaugura despues di esun na Centro di Bario Dakota
y na S.V. Arsenal na Coba Lodo/Angochi.

For di awor padilanti, no solamente e ekiponan di
futbol cu normalmente ta entrena riba e veld di Ayo
lo disfruta di e cancha; pero tambe e muchanan di
Emmaschool, cu ta keda banda di e Centro di Bario,
tambe lo haci uso di e facilidad bunita y profesional aki.

Reconociendo e necesidad pa mas espacio caminda
mucha, hoben y tambe grandinan por haci movecion
fisico y haci deporte y entretene nan mes den activi-
dadnan sano, Prome Minister Mike Eman a bin cu e
proyecto di e mini canchanan aki.
“E cancha aki ta amplia e posibilidad di entrenamento
y recreacion pa tur hende di Ayo. Pa nos e ta un mo-
mento pa bisa cu Gobierno tey pa traha hunto cu e
bario y awe nos tin un bunita ehempel di con nos por
logra cosnan importante,” asina Premier Eman a bisa.

Bou coordinacion di Ditto Acosta di oficina BoBario,
a percura pa haya financiamento di e Programa Olym-
pamerica di e Organisacion Deportivo Panamericano
atrabes di Comite Olimpico Arubano.
E serie di cancha ta reparti rond di henter e isla. Esnan
cu actualmente ta bou construccion y pronto lo ta cla
ta S.V. La Fama na Savaneta, banda di Scol Prepara-
torio Washington na Noord y na compleho di FCCA
na Cura Cabai Zuid.