Page 25 - MIN VOS

AWEMainta Diabierna, 22 September 2017 27

Votadornan birando loco cu

Pricky, e bandera berde colosal

Popularidad di bandera

Pricky di AVP ta

creciendo barbaramente

DEN e ultimo luna Team Mike Eman a cuminsa
hisa e banderanan berde grandi cu despues a haya
e number di Pricky. Pero ta parce cu despues di e
parada di diadomingo ultimo, e popularidad di Pricky
a subi enormemente y votadonan ta loco pa haya un
Pricky na nan cas. Peticionnan ta drenta na monton
di tur banda pa yega cu e Pricky.

For di momento cu lider di partido AVP Mike Eman
a subi caya dialuna ultimo, e yamadanan tabata cum-
insa drenta cerca su team of durante e transmisionnan
live di ciudadanonan cu kier haya un Pricky na nan
cas pa demostra cu nan ta cu partido AVP.

Momento cu Eman tabata canando den Seroe Biento
y den bisindario di Hooiberg, e tabata wordo yama
dor di personanan cu kier pa baha bandera di otro
partido y subi Pricky te den top, “pasobra ta berde
nos ta y berde nos ta keda”.

Team Mike Eman cu tabata trahando banderanan
grandi pa cumpli cu e demanda a switch di biaha pa
produccion di e monstruo di bandera aki cu en reali-
dad a cuminsa haya popularidad enorme despues cu
el a wordo lanta na skina di rotonde na Sta. Cruz.
Esaki a pone cu e partido rival su fuse a bula y a trata
di tapa esaki di tur manera.

Den Sta. Cruz ya a lanta diferente di e banderanan aki
y por spera cu mientras cu lider di AVP ta canando,
riba demanda popular, te den oranana di marduga,
e banderanan Pricky a sigui bay laira, manera algun
di e potretnan aki ta ilustra.