Page 38 - Diario

PAGINA 38 DIARIO
Anochi di lo mas agradable cu por a pasa na Baby Beach
Si mi usa e palabra “formidable”, ta pa motibo cu mi por usa
tur sorto di expresion y tur hunto kizas lo no describi con bunita sinembargo, e parehanan tabata braza otro y cu Boy mey mey
e anochi di “Concierto cu Diner di Pasco” organiza pa Big
mama’s Grill na Baby Beach tabata diasabra anochi.
Un anochi cu Juan David y Lutisa Raven di Aruba, hunto cu
invitadonan Boy Thode y Tony Sherman, a duna nan publico
lo mihor di e temporada aki, pa por a pasa un anochi agradable,
placentero, divertido, anima y cu masha gozo. “Si nan a cobra
100 florin of mas pa e anochi aki cu e diner inclui, mi lo bisa
cu el a bal e placa ey sigur”. Esaki ta loke por a tende mas o
menos di varios di e bishitantenan.
Ta prome biaha cu un evento di e indole aki a wordo organiza
anochi na Baby Beach y na Big Mama’s Grill y familia Raven
por ta orguyoso di a logra un exito masha grandi mes. E anochi
a cuminza cu un ora di animacion musical di Caribbean Band
cu e cantantenan Nicole y Rugane kendenan a yuda den coro
pa e invitadonan y na final di e anochi a sigui anima te ora cu a
cera e anochi.
Juan David a conquista tur curazon for di momento cu el a habri
e anochi cu “Amor berdadero nunca ta muri” y eynan caba e
cellularnan a cuminza sali pa saca foto cu e cantante na mesa
mey mey di e damanan of parehanan. E trend aki a sigui henter
anochi, y Boy Thode y Tony Sherman a complace delaster un
persona cu kier a saca potret cu nan durante cu nan tabata can-
tando, sea na mesa, of dilanti e banda.
Nan a cana rond di e sala di mesa pa mesa unda nan tabata
wordo yama, mientras cu e publico tabata canta cada cancion
hunto cu nan. Tabata tin momentonan cu publico a sigui canta
pa e cantante por a saca foto cu otro fanaticonan na e momento
ey. E complacencia di e cantantenan tabata gigantesco pa nan
publico.
Jose David cu su Ave Maria a dal tur hende abao, laga tur hende
mudo, pa djis scucha su interpretacion cu e bunita voz di oro cu
e tin. Un aplauso y grito na grandi a resona despues. Su cancion
“Mi Frei” y su cancion ganador di 18 di Maart, “Mi promesa
na Aruba” a cosecha e admiracion di mas grandi tambe di su
publico.
Lutisa Raven a trece cambio agradable den ritmonan cu su in-
terpretacion di “When a man loves a woman”, tambe su “Be-
sos Callejeros”, mientras el a dal duro tame cu “Sugar Daddy”
y terminando tur cayente cu ta cu e cancion “Cayente” cu voz
multiple di publico como coro.
Boy Thode a trece cambio atrobe den e melodianan habriendo
cu “Ora Solem” y despues di “Fantasia di Amor” a dal otro
cancion di Pasco cu tabata “Otro Pasco sin mi”. El a conquista
tur curazon seguidamente cu “Mi ta sinti bo falta”. Su admira-
dornan tabata cruza otro mey mey di e mesanan pa yega cerca
pa haya un foto saca cu e cantante kende tabata move di mesa
pa mesa, di admiradora pa admiradora, y hasta e admiradornan,
DIAHUEBS 31 DECEMBER 2015
esposo of novio di e admiradoranan a saca foto cu Boy. Pa esaki
di nan.
Ora Boy a interpreta “ Maske bon kier mi mas”, su prome hit
grandi cu a conquista Aruba 12 aña pasa, e hobencitanan di e
tempo aya cu tabata ni teenager ainda, diasabra anochi a dem-
ostra cu nan ta keda cu na idolo aunke añanan ta core. Teen-
agernan, twenty-agernan, thirty-agernan, forty-agernan y 50
plussers e anochi aki a wordo treci den ambiente di recuerdo di
nan “prome amor”.
Boy a termina su prome presentacion y a anuncia Tony cu ya
tononan di su prome cancion “Awe mi a spierta” a cuminza. E
publico a keda den gara di Tony sin cu entre Boy y Tony a keda
un espacio pa hala rosea. E fiesta a sigui cu publico cantando cu
Tony y de vez en cuando hasta Boy a cay aden pa yuda como
duo. “Tony Sherman” a move di mesa pa mesa, y na dado mo-
mento hasta drenta el a drenta bar pa canta pa e bartendernan,
y despues sali braza cu e bartender femenino pa saca potret.
Esaki cantando “Mi por entregabo” y bao di aplauso grandi di
e publico cu a gusta e parti aki masha hopi. El a pasa rond brasa
waiternan, canta cu nan, bira bishita mesanan, y a laga e bom
cay cu “Amor Eterno”. Aki Tony por a wel keda sin canta, pa-
sobra e publico a sigui e cancion pe. Cuminda a cuminza wordo
sirbi, y tabata parce cu e publico no a kibra cabez mes cu nan
tin cuminda nan dilanti, e cantamento y animacion tabata mas
importante.
Ta ora cu Tony a cambia pa “Pasco sin bo”, por a nota cu e
prome cuchio y forkinan a cuminza move riba e tayonan, pero cu
wowonan claba riba e cantante. Tony a cera su presentacion cu
“For di Dia” pero mescos cu Jose David, Lutisa Raven, y Boy
Thode, e publico a keda grita “otro! otro! otro”.
A tuma un pauze chiquito aki pa introduci Sr. Hugh Gumbs di 86
aña di edad,- tata di Sra. Beverly Raven- cu ta di vacacion aki
for di Hulanda y kende a canta e cancion “Green Green Grass
of home.”. El a splica cu e no por bini Aruba sin canta e cancion
aki, y tur ora cu e pone pia bek riba Aruba e ta sinti e “Green
green grass of home”. bunita tabata cu el a haya acompaña-
mento den canto di e publico tambe durante su interpretacion.
Ora tur hende a kere cu cos a caba, ta e ora ey a cuminza e di
dos concierto. Boy Thode y Tony Sherman a dicidi di no canta
un cancion so, mas. Cada un a bin cu un repertorio nobo, cu
Boy cantando “O mi bon” cu tabata un cancion di Pasco, “Ayo
amor” y un “potpouri di exitonan” cu el a graba. E no a ni hala
un bon rosea despues di e ultimo tono di e potpouri, cu Tony a
cay aden cu su parti cu “Muhe”, “No lagami nunca,”, Spaar
bo amor “ y “Dushi”. Den e ultimo dos cancionnan, Jose Da-
vid, Lutisa, tambe Nicole y Rugane hunto cu Boy a cay aden
cantando hunto y naturalmente cu backup di e “coro publico”.
E concierto a termina cu un concierto di “peticion pa ripiti mas
anochi asina”. E anochi debut di concierto na Baby Beach na
“Big Mama’s Grill” a resulta un exito grandi. Sigur ta cu si bolbe
cu un concierto di calidad asina un biaha mas, esaki sigur lo
resulta den exito mas grandi ainda pa loke ta presencia di pub-
lico. Ya por a tende comentarionan di den publico mes, indicando
unda por pone mesa y stul ainda den aire fresco y cu por hasta
pone un bar den aire liber y fresco. Masha contento y satisfecho
tur hende a sali di eynan, pero un cu un peticion. “Di misa di
Sero Colorado pa ex tereno di baseball y tennis, por fabor
pone luz pa dirigi automobilistanan y pa por tin mas activi-
dad nocturno tambe pariba ey. San nicolas merece esaki,
AWOR!”
Juby Naar