Page 17 - ATA

4 AWEMainta Diamars, 19 Juni 2018

Gobierno ta prepara pa e temporada di horcan

DEN cuadra di temporada di horcan, Minister
President Evelyn Wever-Croes dialuna mainta
a reuni cu miembronan di Beleidsteam na
Rampenbureau. Esaki ta e organo mas halto ora
ta trata calamidad. E Beleidsteam tin un plan di
calamidad cu ta inclui Training HUREX 2018.

Prome Minister a indica cu ya caba e departamento
di Rampenbureau tawatin diferente reunionnan
riba e tereno operacional. E reunion di dialuna
mainta tawata un reunion pa sigura cu tur cos
ta na ordo. E departamento ta bon prepara y
informa cu un bon plan riba mesa cu sigur ta
duna un trankilidad na Gobierno aunke cu nos
tin e speransa cu Aruba lo no wordo afecta pa un
horcan.
E mandatario ta duna di conoce cu e departamento
ta bon ekipa pa informa e comunidad y trece
conscientisacion pa tur ciudadano ta prepara pa
un evento di un horcan y of mal tempo.

E departmento ta bon prepara cu training tambe
y tin experencia riba e tereno aki. Durante horcan
Irma na Sint Maarten aña pasa, e departamento
a bay yuda y esaki sigur a sirbi como experiencia.
Parti di e plan ta tambe pa busca voluntarionan y
duna nan e training y informacion necesario.

E training cu ta wordo duna ta pa preparacion
pa un horcan di categoria tres. Cu lo ta hopi
devastador si esaki pasa na Aruba. Tin varios
rekisitonan cu mester tene cuenta cu nan cu lo
no ta facil. Lo tin cu interumpi cierto regla y
proceduranan. Den caso cu Aruba perde awa y
coriente mester ta prepara pa e pasonan cu lo
mester tuma. E cuerponan concerni mester ta
prepara pa salbaguardia e siguridad di nos pais
como di nan mesun famia.

“Esaki ta e prome biaha cu mi ta sinta na final
di un training asina. Mi ta sigur cu nan ta hopi
bon prepara y esaki ta duna mi un trankilidad.
Mi ta encursha tur hende pa haci preparacionnan
necesario y busca informacionnan pa e temporada
aki”, Prome Minister a duna di conoce.

Homber condena pa maltrato

JOSE Ras tambe a wordo haya culpabel pa maltrato di su Apesar di castigo cu el a haya den pasado, e no a siña su
casa y y su hijastra. NO solamente maltrato pero maltrato les. Pa e motibo aki a dun’e 12 luna di cual 4 luna ta
pisa. condicional y 3 aña di prueba. Tambe e mester sigui un curso
Hues a splica cu a keda proba cu el a maltrata su casa cu un di Reclassering di con pa domina su agresividad.
panchi cayente pa cual ta mas cu suficiente proba e acusacion
di maltrato pisa. Hues a bis’e cu e heridanan por cicatrisa Corte a prohibie di tuma contacto cu su casa y hijastra, a
pero e miedo cu e victima tin lo tuma hopi tempo pa cura, menos cu ta pa asunto di divorcio cu lo por wordo haci via
si e cura. di un Abogado. E tin dos siman pa apela.