Page 22 - HOH

ORANJESTAD (AAN) – Den entrevista cu sra. Solange Tchong, Relacionista Publico di
AZV, el a menciona cu AZV kier continua e pasonan cu a tuma na 2019, pero aworaki
nan kier bay mas fuerte den e aspecto di keda mantene e calidad di cuido, su
accesibilidad y cuido pagable.

Sra. Tchong a menciona cu un di e puntonan cu a haya prioridad na 2019 y sigur tambe
na 2020, ta cu AZV kier yega mas cerca di su aseguradonan.

“Nos kier por ofrece nan un servicio hopi mas profesional of mas halto. Y cu e meta aki
nos dilanti, AZV sigur e aña aki lo ranca sali cu loke nos ta yama un ‘AZV App’ nobo,
unda cu nos kier invita comunidad y tur asegurado di AZV, pa download nos AZV App,
pa asina e por haya su DGzorgpass. Esey kiermen cu e carchi di AZV e lo haye digital”

sra. Tjong a duna di conoce.

El a subraya cu esaki ta un forma con AZV kier yega mas cerca di su aseguradonan, y
ademas den e transcurso di aña AZV ta bay sigui amplia su servicionan y e

funcionalidad di e “AZV App” aki.

Pa duna un ehemplo, Solange Tjong a splica cu mayornan tambe por download e
Zorgpas digital pa nan yiunan menor di edad. Esaki por wordo haci via smart phone. Si

mester servicio di docter e persona por mustra su carchi digital y tambe di e yiunan
menor di edad.

Otro opcion cu e asegurado tin aworaki caba, ta cu si e ta un persona cu ta yuda su

mayornan, of un omo of tanta grandi, y si e ta esun cu semper ta bay busca remedi p’e
na botica, of bo ta hiba e persona docter, etc., tambe AZV ta ofrece e servicio unda un
bez cu esun cu ta duna e cuido, a download su carchi digital den Google Play of App
Store, e por pasa na AZV cu un machtiging of carta di apoderacion, anto e por crea un

account pa e persona cu e ta duna cuido.

E apoderacion ta un servicio cu semper AZV a brinda, pero e diferencia ta cu aworaki
esun cu ta duna otro persona e servicio ta pasa na AZV un rato, nan ta tuma nota di su

carta di apoderacion y a base di esey e ta wordo registra como “certified user”. Esey
kiermen cu e momento ey e persona por haci e transaccion pa e respondi cu semper e
tabata haci pa e otro persona.