Page 84 - HOH
P. 84
ORANJESTAD (AAN): Dialuna mainta tabata tin un conferencia di prensa pa asina
duna un update relaciona cu Coronavirus.
Jurette Croes, Communicatie Adviseur di DVG y miembro di Crisis Team a laga cu te cu
dialuna solamente tin 2 caso positivo (ya caba conoci). Tin 19 caso cu despues di a haci
test a resulta negativo y banda di esey tin 6 caso sospechoso cu ta wardando resultado.
Relaciona cu esaki, diamars lo tin un update relaciona cu e resultado.
Croes a enfatiza cu e lucha contra Coronavirus ta algo di henter comunidad. Tur hende
mester pone di nan banda pa combati e virus aki.
El a recorda cu e sintomanan di Coronavirus ta keintura halto, tosamento y problema
pa hala rosea. Si un persona ta sinti sintoma y a caba di viaha of tabata tin contacto cu
personanan cu por tabata tin Coronavirus por yama na e call center na 280-0101 of nan
docter di cas.
Procedura
Tin un criteria pa atende cu e casonan sospechoso y esaki ta relata na e procedura di
Centro di Diagnostico. E personanan cu ta sinti malo of cu ta malo mester keda cas.
Pa preveni mester keda laba man constantemente y evita lugarnan publico. Evita mishi
cu wowo, nanishi of boca. Alimenta bo mes bon. Bebe hopi awa y percura pa hisa bo
immune system, Jurette Croes a remarca.
Esnan cu ta presenta algun sintoma por yama na e Call Center: 280-0101. Tur hende
por yama, local como turista. Door cu tin un estado di crisis mundial nacional no mester
tin miendo di yama. No ta haci distincion ningun tipo, el a indica.
Esnan vulnerabel
E representante di DVG a enfatiza cu esnan cu tin malesanan cronico ta vulnerabel.
Pesey e personanan aki mester percura pa keda cas y sali menos posibel. Evita
contacto social.
