Page 85 - HOH

Si nan ta sinti malo por yama nan docter di cas. Corda bebe tur remedi cu nan a haya
prescribi door di nan doctor y tambe por yama nan botica pa wak ki areglo tin pa loke
ta nan remedinan.

Residentenan den exterior

Pa loke ta esnan cu ta den exterior y cu ta bin bek Aruba nan no mester bay
cuarentena.

Esnan cu ta bin di afo cu sintoma lo wordo hala un banda y haci un screening cu
pregunta. Lo haci test y sigui e proceduranan stipula.

E personanan cu sali bay lugarnan publico, un peticion ta bay na nan pa evita contacto
social pa asina evita propaga e malesa.

Jurette Croes a bisa cu comunidad mester compronde e gravedad di e pandemia aki.

Si no por comprende e importancia di tuma e medidanan necesario, a splica, e ora lo
tuma medidanan mas drastico. Tur cos ta depende di e comportacion den comunidad.

Te cu awor, no tin ningun medida pa cera barnan of lugarnan publico. Pero si cos bay

for di man, Gobierno por bay over na cera nan. El a reitera cu tur cos ta depende di e
comportacion. Mester tin menos contacto social posibel.

https://www.diario.aw/2020/03/tin-6-caso-sospechoso-di-coronavirus-cu-ta-pasando-den-proceso-di-
test/