Page 87 - HOH

ORANJESTAD (AAN): Na WEB NV tabata tin un conferencia di prensa Diasabra mainta
relaciona cu e casonan di Coronavirus.

Richard Frank, Sector Manager di Produccion na WEB NV a laga sa cu dialuna ultimo, un

consultant cu a bin di afo a bin pa duna WEB NV un servicio pa e sector di Customer
Service (parti electronico y mecanico) y a resulta cu e persona aki ta contagia cu
Coronavirus.

E persona aki a traha na comienso di siman pasa na WEB NV. Tin tur persona cu tabata
tin contacto directo y cu a traha hunto cune desde e dia cu el a yega Aruba, a bisa.

Aworaki e personanan aki ta na cas bao cuarentena. Frank a laga sa cu tur medida pa

contene e situacion aki na WEB NV ta tumando lugar. Tur e oficinanan unda e
consultant tabata traha a wordo desinfecta. E plan di contingencia ta canando desde e
fin di siman aki caba, a remarca.

CASO DI CONSULTANT

Banda di esaki, Directora di e Departamento di Malesanan Contagioso, Sharline
Koolman, a menciona cu 12 di Maart nan a wordo informa cu tabata tin un meneer cu

tabata bishitando Aruba cu tabata na Egipto durante Februari pa un vakantie y cu el a
bay bek Merca.

Di Merca, el a bin Aruba pa traha y brinda su experticio na WEB NV. Su casa, a haya sa

cu e grupo cu a viaha hunto, un a keda infecta y pesey el a yama y a cumpli cu su
deber di informa Aruba cu e tabata na altura di esaki, Koolman a duna di conoce.

Asina e trabaonan a cuminsa mesora y a bay cerca e meneer pa wak si

berdaderamente e tabata tin sintomanan locual tabata e caso. E ora a dicidi pa test e
persona aki. El a wordo poni den isolacion.