Page 88 - HOH

Den 24 ora a haya e resultado di e test for di Laboratorio cual tabata positivo. DBZ a
comunica esaki na Gobierno y asina e noticia a bira conoci. Manera a wordo anuncia ta
trata di dos caso y e meneer aki ta un di nan.

Sharline Koolman a agrega cu mesora a tuma contacto cu WEB NV y cuminsa traha
ariba e lista di e personanan cu tabata tin contacto directo.

CASONAN SOSPECHOSO MESTER KEDA CAS

Directie Volksgezondheid a haya e lista di un 13 persona (caso sospechoso) y a yama e
contactonan aki y a instrui nan. Pesey ta haci un apelacion na e personanan aki pa
cumpli cu e instruccionnan cu nan a ricibi di Departamento di Salud Publico.

Si nan a wordo pidi pa keda cas den cuarentena (keda cas y limita contacto cu hende) y
aunke no tin sintoma ainda, esey no ta un motibo pa bay cana rond, no bay den
publico, no bay haci compras, e directivo di DVG a remarca.

A bisa cu por tuma otro medidanan mas drastico, pero ta kere cu Aruba ta un pais hopi
civiliza y pesey no ta kere cu mester bay den un direccion asina drastico. “Si bo a
wordo pidi pa keda bo cas, sigui e instruccionnan aki. Si bo tin mester di mas

informacion bo por yama e number di contacto cu a wordo brinda na e momento cu bo
a wordo acerca. Bo por yama bek pa haci mas pregunta (…) Tambe bo por yama e call
center 280-0101, si acaso bo kier mas informacion si bo ta den cuarentena”.

Un persona mester por tin sintomanan pa e ora bay over na haci un test di Coronavirus,
Sharline Koolman a subraya.

https://www.diario.aw/2020/03/tur-medida-pa-contene-coronavirus-na-web-nv-ta-tumando-lugar/