Page 40 - Djasabra 10 mart 2018.pdf

40 Djasabra 10 Mart 2018
“Mi mester a kumpr’é
pa protehá mi mes”
Kondena di

21 luna pa
residivista

gará ku arma

kandela
WILLEMSTAD.- Korte di
promé instansia a trata vários
kaso di arma di kandela siman
tras di lomba. Entre nan un
hòmber di 25 aña, akusá di
tabatin un arma di kandela
kaliber .38 den su poder mas
6 bala, na luna di novèmber
último. E akusado a presentá
den sala pa responsabilisá su
mes pa su akto.
Segun e akusado, na
hustisia el a bisa ku e tin e
arma pa su protekshon. Mas
aleu el a duna di konos’é ku tin
algun persona ta menasando
e, p’esei el a tuma e desishon
di kumpra e arma pa defendé
su kurpa. E akusado a bisa ku
el a kumpra e arma pa fl1500,-
, pero e no ke bisa serka ken,
pa evitá ku e ta hañ’é den mas
problema. Hues a relatá ku
esaki no tabata e promé bes
ku e akusado a kai será. Den
pasado el a keda kondená na
aña 2011 i tambe 2016.
Pues aworakí e ta kana
den su periodo di prueba.
Fiskal mr Koert a duna
di konos’é, ku en bèrdat e
akusado a splika ku el a
kumpra e arma pa defensa
propio, mirando den e
situashon ku e ta.
Segun fiskal, pero esaki no
ta hustifiká ku e akusado por
a kana ku un arma di kandela
ilegal den su poder.
Fiskal a bisa lei ta lei i
hustisia ta baha duru riba
personanan ku ta hasi nan
mes kulpabel, na poseshon di
arma kandela.Esaki mirando
kuantu asesinato i kasonan
di atrako ku tin último
tempunan, tresiendo tristesa
i trouma den hopi famia.
Mirando tur esakinan
fiskal a bisa di ta
demandá e akusado na
24 luna kompletamente
inkondishonal i a pidi korte
pa ehekutá e 9 lunanan ku a
keda kologá riba su kabes.
Hues mr de Kort den su
desishon, a bisa di ta haña
e akusashon legalmente i
konvinsentemente probá, a
base di e akusado su propio
deklarashonnan.
Hues a desviá for di
e demanda di fiskal i ta
kondená e akusado na 21
luna inkondishonal, mas e 6
lunanan ku a keda kologá riba
su kabes di kual 3 el a sinta aviso@extra.cw
kaba.