Page 41 - Djasabra 10 mart 2018.pdf

Djasabra 10 Mart 2018 41

Kontinuashon di pagina 7
Hues mester intermediá

E abogado a indiká ku
simplemente e loke ku e
ruman hòmber ta pidi, no
por. No tin base di lei pa
kita e ruman muhé for di e
tèstamènt.
Hues den un veredikto
hopi kòrtiku di apénas
3 paginá a indiká ku en
bèrdat no tin base di lei pa
kita e ruman muhé komo
un di e ehekutornan di e
propiedatnan ku e mama a
laga atras.
E hues a mustra tambe a
base di kua artíkulo esei no
ta posibel.
Mirando e echo ku
partidonan ya ta na korte
kaba, abogado di e ruman
muhé a pidi hues e ora ei,
mirando e problema di
rumannan, pa hues stipulá
e ora ei kiko i kon e dos
rumannan por tòg kumpli
ku deseo di nan mama.
Esaki hues a bai di
akuerdo kuné i a stipulá e
ora ei kua ta e partinan ku
kada ruman mester ehekutá
i kiko mester keda ehekutá
huntu.
Esaki ta e úniko manera
ku por hasi pa tòg kumpli
ku e deseo di e mama ku a
stipulá su deseonan den un
tèstamènt, ora e fayesé.
Tin algun aspekto
importante ku hues a stipulá
pa partidonan a hasi huntu,
manera maneho di e kuenta
bankario ta den tur dos
ruman su man, pues huntu.
P ero finalmente
ehekushon di e deseonan
mester keda hasí den nan
dos.