Page 57 - MIN ON 26 JUNE 2017

Corte di Husticia ta e unico cu por nombra presidente di
Conseho Electoral

Sunday, 25 June 2017 16:57
Comparti

Cada cuater aña ta eligi un presidente pa Conseho Electoral nobo. E aña aki lo bay bin un decision
nobo pa wak ken ta bay bira e siguiente presidente.
Segun Hubert Maduro, presidente actual di Conseho Electoral, e unico cu ta tuma un decision ta
presidente di Corte di Husticia pa determina ken ta nombra e presidente di Conseho Electoral. No tin
un procedura pa propone un presidente. Den e caso aki e president mes no por propone su mes. Pero
si bin un otro persona, dimes e por propone. Tempo cu Maduro a bin, e presidente saliente, defunto
Shon Lopez a propone Maduro pa bira Presidente di Conseho. Den e añanan cu a sigui, a bin
proposicionnan haci pa presidente di Rekenkamer.
Rekenkamer mes su presidente, ta uno cu ta nombra vice presidente.
Canando manera mester ta
Tur cos ta canando mester ta. Nan ta bon manera nan ta awor aki. Cu e sistema nobo mes di Conseho
Electoral, bayendo for di 2005 caba y votamento na Aruba ta bin for di fin di añanan 40, experiencia
tin.
Eleccion di presidente
Maduro ta disponibel. El a haya sa cu e por haci’e cu e por bira vice presidente. E problema ta sinta cu
tin ora cu ni e mes, na su edad, pero si den vice presidente cu ta mr. Wernet, kende a traha henter su
bida den Gobierno, a pasa pa edad cu di berdad e tin cu bay sosega y e kier sosega tambe. Maduro, si
tin mester, e ta bay haci su trabao, pa no perde den e Conseho mes, e conocemento di e proceduranan.
Esey ta conta pa partidonan cu lo mester manda miembro nobo pa Conseho Electoral tambe. Te awor
aki semper nan ta manda hende cu tin experiencia den e cosnan aki caba.
Firma
A puntra Maduro, cuanto firma mester tin pa por yena un lista, pa despues ta un partido nobo, cual el
a contesta cu ta casi 600 firma. E ta e cantidad di votonan emiti biaha pasa.
Na Aruba nunca ta problema pa yena un lista. E cos aki na Corsou a hunga un rol, hasta cu a bay hues
pe y a haya rason, cu e cantidad di votadonan cu mester bay firma ta hopi. Pero na Aruba nunca e
tabata problema, pasobra den e ultimo dos dia, tur lista ta wordo firma. Ta mira na Aruba e fenomeno
cu un partido chikito ta haya mas hende firma su lista, cu e ta haya na voto.
Partidonan ta yuda otro
Na Aruba, nan ta bay firma pa nan tin mas partido ta participa, mas chens tin cu tin mas cu un
restzetel. Bo bay cu dos partido eleccion, a lo mehor ta un restzetel so tin cu lo bo por parti entre e
dosnan ey. Pero ora tin mas partido, tin mas chens y mas restzetel, y na Aruba tin ora e ta masha fini
mes. Ta un biaha e restzetel a bay pa un of otro banda, pa un diferencia di algo mas cu 20 voto. E ta
importante tambe pa conta bon y pa hendenan vota corecto.