Page 10 - HOH

8 LOCAL AWEMainta
Stop di competi y cuminsa colabora cu hende cu ta inspira bo
DEN e cultura di hustle y highlight reels di awe, ta facil pa cay den e trampa di
competencia—specialmente cu e hendenan cu nos ta admira mas. E colega cu
semper tin ideanan nobo. E amigo cu e proyecto creativo personal. E empre-
sario cu ta parce di move mas lihe y mas duro cu tur otro hende. En bes di laga e
energia ey hisa nos, nos ta bira chikito. Nos ta compara. Nos ta competí. Y hopi
biaha, nos ta kima purbando di “catch up”.
Pero e berdad cu ningun hende ta papia suficiente di dje ta: bo no ta crece door
di purba briya mas cu hende inspirador—bo ta crece door di uni forsa cu nan.
Tin un cambio sutil pero poderoso cu ta tuma luga ora bo move for di rivalidad
pa colaboracion. Diripente, e energia cu antes bo tabata uza pa purba “gana”
ta bira combustibel pa algo mas grandi. Bo ta mira nan excelencia no como un
menasa, sino como un señal—esaki ta un persona cu mi por construi algo cune.
Y den e espacio ey, berdadero crecemento personal ta cuminsa.
Den trabou creativo, negoshi, educacion, of hasta desaroyo personal, algun di e
hendenan mas exitoso no ta e lobonan solitario—nan ta e colaboradonan. Nan
sa con pa reconoce talento, no competi cu ne. Nan ta invita otronan den nan
proceso. Nan ta pidi feedback. Nan ta celebra exito di un otro persona sin cu
esey ta bira un midi di nan propio insuficiencia.
Pues, dicon mas hende no ta haci’e?
Ego. Insiguridad. E miedo cu comparti espacio cu hende briyante lo haci nos
parce chikito. Pero den realidad, e ta haci lo contrario. Rondona bo mes cu hende
Diaranson, 6 Augustus 2025
cu tin mas experiencia, mas habilidad, of simple-
mente diferente den e maneranan corecto, ta con
bo ta rek bo mes. E ta forsa bo pa hisa bo nivel—
no pa gana di nan, sino pa mantene e ritmo cu e
grandesa rond di bo.
Ta asina tambe networknan poderoso ta wordo
construi. E diseñador ey cu bo ta envidia? Imagina
boso ta crea algo hunto. E orador ey cu semper
ta reserva? Kico lo ta si boso uni forsa riba un
panel of podcast? E empresario ey cu e postnan
viral? Kisas abo ta e strategia cu e mester tras di
cortina.
E hendenan cu ta inspira bo probablemente tin
mesun anhelo pa construi conexionnan significa-
tivo cu abo. Nan no mester mas competencia—
nan mester hende cu ta genuino, curioso, y cu
hamber pa crece.
Esaki no ta tocante networking falso of amis-
tadnan forsa. E ta tocante cambia bo mentalidad:
for di “Con mi por ta miho cu nan?” pa “Kico nos
por construi hunto?” E solo cambio mental ey por
cambia bo carera, bo biahe creativo, y bo confi-
ansa.
E ta haci e trayecto mas agradabel tambe.
Crecemento no mester ta solitario. Colaboracion
ta crea impulso, y impulso ta crea movemento—
no solamente pa bo, sino pa tur hende envolvi.
Pues, e siguiente biaha cu bo sinti e dolor di
comparacion, tuma un pausa. Puntra bo mes:
Kico lo pasa si mi stop di purba competi cu nan—y
puntra con mi por traha cu nan en bes di esey?
Pasobra ora bo rondona bo mes cu hende inspi-
rador y stop di mira nan como competencia, bo
no solamente ta crece mas lihe—bo ta crece mas
inteligente. Y cu hopi mas alegria.