Page 11 - bon-dia-aruba-20210319

A11
HENDE Diabierna 19 Maart 2021
Reynaldo Alejandrino Maduro:

Aruba

Aruba m’a lanta awe cu
mi pia tur na tera
Santo blanco, tera limpi,
di mi isla tan stima
Mi curpa, di solo tur bron-
sea
Y mi boca, tur na e salo di
lama

Un dushi dia nos ta’tin
Un dia di keiro
Un dia di famia
Un dia di goza tur cu tin

Pasa dia tur rond di nos isla
Cu nos grandinan stima
Cu awe ya hopi a bay, nos pai
cu mai
Cu nunca nos lo lubida

Sali trempan cu icejug bon
yena
Refresco, awa y tanto mas
Tambe cos dushi pa e
muchanan
Y cerbes bon frieu pa nos
machonan

Snack y sandwich pa tur
hende
Pastech’i keshi, carni y pisca
Kroket, cala y webo yena
Esta dushi nos bida ta’ta

No tin cueba cu nos n’ ex-
plora
No tin cero cu nos n’ subi,
na careda of gatia
No tin beach cu nos n’ landa
Ta nos isla, nos aruba tan
stima

Diadomingo despues di misa
Ta core bay cas, cambia paña
tur pura
Y sali na careda
Rumbo pa lama

Pa ey nos gosa
Tira salto, sapatia
Bisti nos duikbril
Y bula na awa, sambuya

E oranan ta bula
Sin cu nos sa of ripara
Mientras nos ta gosa
Di e olanan di nos lama

Ki bunita hubentud nos
ta’tin
Cu a yena nos cu amor sin
fin
Pa nos grandinan cu a guia
nos y prepara nos
Pa e dianan cu ta bin

Mi isla, un stap fo’i paraiso
Mi isla, mi oasis den lama
Maske awor leu fo’i tera
T’ey mi lombrishi ta dera

Na honor di mi tata, mi
mama y mi famia. Semper
agradecido. Ter ere van mijn
vader, moeder en mijn fami-
lie. Eeuwig dankbaar.