Page 41 - MIN ARENDS

A15
HENDE Diahuebs 7 september 2017

Refineria di Aruba cu encuentro cu baluartenan

di refinacion di petroleo

ORANJESTAD - Recientemente e Refineria di Aruba (RdA) a organisa un evento
dedica specialmente na e baluartenan di refinacion di petroleo na Aruba.

A invita entre otro ex trahadonan di Lago Oil & Transport Company, Coastal Aruba Refinery,
Valero Aruba Refinery y tambe nan respectivo companianan di Marketing & Supply. E mainta
tabata yena cu emocion ora cu coleganan a reuni na un luga special.
Pa yama bon bini a cuminsa cu bebida y snack sigui pa un discurso, despues e invitadonan ta-
bata tin e oportunidad pa combersa cu tur esunnan presente. A sigui un brunch fenomenal y a
finalisa e programa di dia cu un discurso duna pa Alvin Koolman, Managing Director y CEO
di Refineria di Aruba cu a elabora un tiki riba e compania y plannan pa futuro. Sr. Koolman
a brinda na mes momento e oportunidad pa esunnan presente haci pregunta riba e structura
nobo di Refineria di Aruba y a elabora mas detaya di e trayecto di negociacion cu a culmina
na reapertura di nos refineria. Awe 93 aña despues Aruba por disfruta di un fundeshi solido di
experiencia danki na esunnan cu a crea esaki. Ta importante pa reconoce nos hende nan cu a
traha cu dedicacion pa hiba pais Aruba dilanti.

E team di RdA y Fuels Marketing & Supply Aruba (FMSA) tambe tabata t’ey presente pa asina
por a cera conoci mas di cerca cu esunnan cu a percura pa mantene operacional un di e pilar-
nan economico vital di nos isla. Ta importante pa menciona, cu varios di e miembronan di e
ekipo di RdA y FMSA no ta cara nan desconoci den e mundo petrolero y tabata un placer pa
enkontra cu nan ex coleganan.

Durante e evento tabata tin fotografo y camarografo presente pa documenta cada momento
special pa RdA. Hopi tabata e comentarionan positivo. “Danki pa organisa un evento asina uni-
co aki pa nos”, Ramon Buckley a comenta ora cu a entrevista riba su experiencia den refineria
na Aruba y den exterior. “Mi ta recomenda tur hoben cu ta interesa pa traha na Refineria pa
aplica, paso ami mes tin recuerdo inolvidabel na refineria, ta loke Adolf Dufi Kock a comenta
durante su entrevista.