Page 15 - KPA DEC 28,2015

Problema na un Bar na final a resulta den un turista abao benta for di tino

Publication: Monday, 28 December 2015. Categoria: Policial

ORANJESTAD(AAN)– Diasabra, di dos dia di Pasco, den careda di 1’or marduga South Beach
Center tabata yen di hende gosando di ambiente pero un grupo di hoben americano gosando nan
vakantie aki a pasa den un smaak amargo.
Ta ora cu a bay pidi cuenta nan a keda den shock ya cu na un forma inexplicable, e cobranza a
pasa riba mil Dollar. Nan mes no sa di unda esaki a bin.
Aki a start cu reclamo, y exigencia pa sa con e suma a pasa riba $1.000.
Den tur e reclamo aki, pa motibo cu ta wordo investiga, e bouncer di South Beach a dicidi na
purba calma un di e hobennan cu tabata haciendo di mas eynan.
El a gara un hoben Americano di 18 aña na su garganta y choke. Esaki a haci cu e hoben cu a
keda choca a keda algun rato sin hala rosea y pone cu e la bay for di tino y alabes cu poco
alcohol den curpa a bira pio.
E hoben a keda benta abou y no tabata reacciona, e grupo cu tabata cu e amigo a lanta contra e
bouncer.
Polis cu urgencia a keda manda pa e lugar y a solicita ambulance tambe pa atende cu e hoben cu
no tabata na tino.
Polis a tuma denuncia di tur e personanan y a notifica e doño di e bar kico por ta e
consecuencianan pa e bouncer.
Tin di corda cu bouncernan tey pa evita cu problema ta escala, y hopi biaha tin di atende cu
clientenan cu ta full burachi y no ta razona.
Den dianan cu a pasa mes, un bouncer na un establecimento na Tanki Leendert a wordo ataca
malamente, y el a ricibi cantidad di herida grave na su cara, y hasta patras di su cabez y nek. No
ta conoci si acaso denuncia a ser haci den e caso ey.
http://www.diario.aw/2015/12/problema-na-un-bar-na-final-a-resulta-den-un-turista-abao-benta-for-
di-tino/