Page 16 - KPA DEC 28,2015

Stagiaire hulandes di 18 aña a fayece riba Palm Island

Publication: Monday, 28 December 2015. Categoria: Policial

ORANJESTAD(AAN)– Un hoben di 18 aña naci na Hulanda cu ta kedando na Aruba como
stagiaire a bay disfruta di su Pasco riba De Palm Island, pero na momento cu e tabata riba e
banana boat el a sintie malo y tabata haya dolor na pecho.
E hoben di inicialnan B.W. a keda treci bek riba palm island y a bay sosega su curpa atardi pero
a bay un solo drumi y ningun hende tabata sa di dje mas. E amigonan no a pensa cu e situacion
cu nan amigo tabata asina serio. Nan a laga nan amigo sosega y nan mes a sigui disfruta di e
atardi.
Tabata ora cu De Palm Island tabata bay sera cu a cuminsa avisa tur hende cu nan mester bolbe
tera. Na dado momento ora a yega na e hoben aki a resulta cu e no tabata reacciona. A bati
alarma y cuminsa trece tera mesora. E tabata morto caba basta rato. Probablemente el a haya un
atake di curazon. Pa 6or Dr Anthony a constata morto. Pa 6or y 20 fiscal a tuma e curpa den
beslag.
E dokter no por a duna un splicacion specifico di e causa di morto aunke ta sospecha un atake di
curazon. Pesey fiscal ta haya cu ta necesario haci un investigacion un poco mas leu y un autopsia
ta necesario. E edad ta hopi jong y pesey mes kier haya e motibo exacto di morto di e hoben. E
hoben ta stage den e bakery na Super Food. E amigonan a bay den un shock y tabata necesario pa
Slachofferhulp atende cu e situacion tambe. Pas na su restonan y forsa na e famia y amigonan.
http://www.diario.aw/2015/12/stagiaire-hulandes-di-18-ana-a-fayece-riba-palm-island/