Page 18 - KPA DEC 28,2015

Tres Venezolano y un Dominicano a comete atraco riba Flores Supermarket
Publication: Monday, 28 December 2015. Categoria: Policial
y nan a keda deteni den algun minuut

ORANJESTAD(AAN): Bispo di Pasco den oranan di atardi cu polis a haya informe di Atraco
arma riba supermercado Flores, nan a sali mes ora pa purba haya e auto cu a wordo menciona
como esun usa pa e atracadornan.
Tabata un unidad di trafico hopi atento cu a mira un auto moviendo sospechoso den hanchinan di
Tanki Leendert cerca di lugar unda e atraco a tuma lugar. Nan a para e auto. Refuerzo a wordo
manda mesora.
Tabata un Hyundai Accent color preto A-11292 cual number no tabata clop riba e auto. Refuerzo
a yega y poco poco mas descripcion di e atracadornan tambe tabata drenta cu tabata klop poco
poco cu esnan envolvi.
Asina Polis a cuminsa busca mas leu y ta bin haya cantidad di placa den e auto. A haya Joyas cu
prijs tambe. Tambe a bin topa cu e arma di candela. Polis a detene tur cuater y asina a sali cu nan
direccion di warda di Santa Cruz caminda Atraco Team tabata wardando riba nan.
Tabata trata di 3 venezolano y un dominicano. Cuerpo Tecnico a presenta na e sitio tambe y
cuminsa investiga. E auto a keda confisca. Otro miembronan di Atraco Team tambe a presenta
na Flores Supermarket pa papia cu e Chines y mira e grabacion. Tabata tin un polis den e
localidad ora e atraco a tuma lugar y nan a mik e arma riba dje tambe ora di e atraco na caha. Net
e agente e bay paga. Un otro testigo kier e interumpi e atraco pero a wordo pusha. Un pabien na e
Polisnan cu e tremendo trabou aki. E atracadornan tabata cliente un rato prome y despues di mira
e momento exacto a comete e atraco.
http://www.diario.aw/2015/12/tres-venezolano-y-un-dominicano-a-comete-atraco-riba-flores-
supermarket/