Page 20 - KPA DEC 28,2015
P. 20
Polis cu man yen den fin di siman atrobe
Posted on 12/27/2015 8:00 pm AST | Updated on 12/28/2015 7:57 am AST
ORANJESTAD - Den fin di siman polis tabatin su man yen, cu hopi caso cu a hala
atencion.
Entre nan tabatin un caso den Village, diadomingo, di homber gekap na man y a tire den pia cu
un revolver. E caso aki, no tabata mucho cla pa polis pa cual tin un investigacion andando.
Hopi accidente a keda registra tambe, unda cu entre otro, un chauffeur a lubida, cu tabatin un
rotonde na Pos Chikito y a subi esaki diadomingo marduga.
Un caso di turista ataca tambe a keda registra.Ta trata di un turista, cu tabata canando na Palm
Beach entre Olde Molen y Phoenix. Aki e turista a wordo ataca pa dos persona, y horta entre otro
su cadena di garganta. E turista a bati alarma na front desk, y polis tin e caso bou di
investigacion.
Un caso sospechoso, tabata esun na altura di Flying Fishbone na Savaneta, ora cu polis lo a haya
un boto, cu motor sendi na un pier, y na tera un SUV tambe presente. Polisnan no a basila y a
saca arma y ordena esnan di e auto pa sali afo. A manda refuerso pa cualkier eventualidad,
mientras cu tabata atende cu e personanan na e pier. Sinembargo no por a haya nada for di lo
normal, y a raporta esaki solamente sin mucho mas detaye.
Un caso sigur cu lo haya atencion e siman aki, ta di un persona cu lo a wordo manda cas bek,
pero na momento, cu e tabata bandona e centro medico na San Nicolas, a fayece na e sitio mes.
Aparentemente e persona aki, lo a acudi algun biaha caba na e medico na turno, cu a opta pa
manda e pashent cas, mirando cu no tin nada cu e por haci pe na e clinica. Ultimo ora a manda e
persona cas, e persona na caminda pa auto, lo a bira dje malo ey, cu e no a sobrevivi esaki.
