Page 111 - MIN VOS JULY 17 2015

Mama y yiu mas cu un aña na Cali sin por bolbe Aruba debi
na complicacion legal!

Publication: Friday, 17 July 2015. Categoria: General
AZV a mande duna luz na Clinica Valle de Lili:

ORANJESTAD (AAN) –
Matutino DIARIO ta na haltura di un caso complica, di un mama cu a wordo manda door di
AZV pa Fundacion Valle de Lili na Cali, pa haya yiu debi cu e señora a haya complicacion, pero
e tin mas cu un aña caba na Cali, sin cu AZV por trece nan bek.
Di con? E fondo di e problema actual, eigenlijk, no tin di haber cu malesa di e mama ni di e
mucha, pues directamente no ta regarda AZV y den e entrevista cu nos a haci cu Joost van de
Kamp, Relacionista Publico, el a splica nos duidelijk kico ta e situacion.
Segun e informacion cu nos redaccion a compila, e señora (cu aworaki ta pasando den un
momento di profundo depresion), tabata casa cu un Venezolano, ken a bay lague, bolbe su pais
sin laga un rastro, abandonando e señora cu un yiu chikito ainda.
Na dado momento e señora a cuminza otro relacion, e biaha aki cu un Arubiano ken ta e tata di e
criatura cu a nace na Cali.
Sinembargo e señora no a conclui su divorcio mientras tanto; el a haya su baby na Cali, y na
lugar di registre na e clinica cu fam di su casa el a hacie cu e fam di e tata biologico, y aki ta na
unda e complicacion legal a surgi.
Apesar cu tin un ADN cu ta demostra ken ta e tata di e criatura, e hecho cu el a nace dentro di e
matrimonio cu ainda no a keda disolve, ta pone cu legalmente e baby no por haya salvo-conducto
pa e viaha cu su mama pa Aruba, ya cu esaki mester wordo solicita na Venezuela, y debi na e
situacion den dicho pais, esaki a bira imposible.
E mama por viaha pa Aruba pero logicamente e no ta bay laga su yiu na Cali y esey tine
desespera, y aworaki AZV ta pagando su alohamento so, pero ya nan a stop cu placa pa cuminda.