Page 112 - MIN VOS JULY 17 2015

Joost van de Kamp, PR di AZV, a confirma pa nos redaccion cu e mama en cuestion y su yiu tin
un tempo hopi largo na Cali, pero como cu e baby no tin papel e no por biaha bin Aruba. El a
comenta cu na momento di a haci e registracion na e clinica algo a bay fout relaciona cu e fam di
e tata y esaki ta algo cu AZV no por resolve. AZV a haci tur esfuerzo pa trece nan bek, pero e
parti legal aki ta algo den locual AZV no por haci nada na dje. E caso ta den Corte na Aruba y te
September venidero Huez lo dicta sentencia. AZV mes ta spera cu esaki haya un solucion
pasobra pa e mama ta algo masha fastioso, locual pa AZV ta hopi comprendible, pero tambe pa
AZV ta representa un gasto extra cu no tabata tin planea ora e mama a wordo manda pa Cali pa
bon di su salud y di e baby, hasta por bisa pa scapa nan bida.

Diaranzon atardi e señora a manda un email pa nos redaccion, den cual e ta bisa nos cu e lo no a
desea pa su caso sali den publicidad pero awor si e ta sinti su mes desespera y no sa mas kico pa
haci. E tabata preparando pa bolbe bay Diahuebs na Embahada di Hulanda na Cali, wak atrobe
kico por haci.

http://www.diario.aw/2015/07/mama-y-yiu-mas-cu-un-ana-na-cali-sin-por-bolbe-aruba-debi-na-
complicacion-legal/