Page 21 - ARUBA BANK
P. 21
Aworaki, gobierno tuma e decision pa ahusta loonbelasting y inkomstenbelasting pa
duna e rebaho aki y haci e coreccion na e inflacion cu tabata tin. Esaki na 4% cu ta e
cifra di CBS.
E dignatario a subraya cu esaki sigur ta un bon noticia pasobra ora di ahusta e
“belastingvrije voet” esaki ta subi di 27.550 florin, anualmente ta subi pa 28.861 florin,
y esey kiermen cu tur esnan cu ta cobra menos cu e monto aki no ta paga belasting.
Na comienzo di aña gobierno a haci un cambio unda un grupo di persona no ta paga
belasting y aworaki cu e ahuste tin atrobe un cantidad di trahador cu lo cay bao esaki.
E ahuste riba “belastingvrije voet” ta nifica cu esnan cu ta gana 2.400 florin of menos
no ta paga belasting.
Na 2019 e personanan cu ta gana e suma aki ainda a paga 146 florin pa aña, pero for
di 2020 no ta paga esaki mas. Pa un entrada di 2.830 florin pa luna cu e persona ta
paga 869 florin pa aña, y desde otro aña ta bira 713 florin anual. Un persona cu gana
5.490 florin ta paga pa aña ta 5.837 pa 2020 lo paga 5414 florin.
E mandatario a subraya cu esaki ta tres ehemplo simple pa e comprension cu gobierno
ta haci e cambionan necesario na inflacion, pa asina aki tur esnan cu ta traha ta haya
un alivio pa e parti di inflacion.
https://www.diario.aw/2019/12/minister-di-finanzas-ta-anuncia-ahuste-di-loonbelasting-y-
inkomstenbelasting-na-inflacion/
