Page 24 - ARUBA BANK

di aña nos lo bin hunto atrobe, pa brinda tur informacion necesario”, Minister mr.
Xiomara Maduro a reitera.

E mandatario a sigui bisa cu gobierno a percura tambe pa comercio tin e parti cu ta

beneficia nan, a base di nan propio input cu nan a duna gobierno y cu gobierno a traha
riba dje.

Algo cu e aña aki a beneficia hopi, ta cu gobierno a presenta e cifranan real, den e

cuentanan nacional di e pais di 2013 pa 2017, cu ta informacion cu no solamente ta
yuda gobernacion pero tambe comercio, pasobra e ta duna un “inside” di con e
situacion ta y esaki ta importante.

Minister Maduro a expresa cu gobierno ta gradici CBS pa a presenta e informacion aki.
Gobierno tabata tin tambe un bon evaluacion di IMF y nan tin expectativa positivo pa e
economia di Aruba.

E mandatario a agrega cu otro aspecto importante ta cu pa tres luna consecutivo
gobierno a absorbe e subida grandi di prijs di gasoline cu 27.5 cen via RDA. El a
expresa cu esaki sigur tabata tin un impacto riba e aspecto economico. Ademas
gobierno a flexibiliza e cobranza di boet pa loke ta incumplimento di belasting di 2015

pa 2018, y e tabata tin su efecto.

Gobierno a brinda e rosea pero si ta importante pa cumpli cu e parti di compliers.
Aworaki tin yudanza di un instancia pa loke ta asistencia tecnico pa loke ta oficina di

impuesto, pa e parti di impuesto pero tambe e aspecto di compliers. Pa esaki tin un ley
den tapara.

Minister Xiomara Maduro a indica tambe cu pa loke ta trata e leynan di BBO, BAZV y

BAVP, encuanto e mencion riba factura, esaki a crea un tiki polemica, pero na final di
dia tur hende por mira cu e ta crea e transparencia necesario cu tin mester pa e parti
economico di nos pais.

El a remarca cu comercio tambe lo sali beneficia cu e rebaho di coriente di 7%.
Gobierno por a bin cune solamente pa uso domestico, pero a tene cuenta cu comercio
tambe.