Page 23 - ARUBA BANK

ORANJESTAD (AAN) – Minister di Economia y Finanzas, mr. Xiomara Maduro, den
conferencia di prensa extraordinario Diabierna, a referi na e reforma fiscal y a reitera cu
e reforma aki ta pa busca un balansa pa por yega na un sistema di belasting mas
simple y mas husto.

E dignatario a señala cu claramente buscando e balansa unda cu di un banda ta rebaha
y di otro banda ta subi, pero pa e grupo unda e balansa ta subi ta busca un
compensacion di un otro manera.

Pues, e ta keda un trabao continuo, e mandatario a indica. El a bisa cu pa hopi tempo
Aruba no a conoce un reforma fiscal y pesey gobierno a opta pa hacie den diferente
fase.

Cada fase ta trece cune cu un grupo ta bira contento y otro grupo ta menos contento.
Minister di Finanzas a agrega cu pa prome biaha gobierno a organiza un hall meeting pa
comunidad y pa gremionan, y tur stakeholder bin dilanti y trece nan punto di bista.

Gobierno a tene cuenta tambe cu e puntonan di bista aki y esey a cambia cierto
decisionnan, pero prome cu a bay over na traha e leynan necesario aworaki ta den e
fase unda nan ta trahando riba e leynan concerni.

Gobierno a tene consideracion cu tur loke a bin dilanti, atrobe a brinda participacion
pero, na final di dia, e decision ta keda den man di gobierno pasobra e no por wak un
sector so, pero henter e pais.

Pesey cierto decisionnan mester wordo tuma, cualnan no ta popular pa tur hende pero
si sumamente necesario pa Pais Aruba.

E mandatario a indica cu pa comienzo di aña lo sigui cu e reforma fiscal y cu hopi ta e
beneficionan cu a wordo duna na pueblo di Aruba y den esaki ultimo tempo tabata tin
hopi pregunta di parti di comercio, cu nan no sa kico ta bay pasa ni con e cosnan ta
hinca den otro.

“Berdad tabata tin cierto momento cu nos a cay atras pa locual ta decision, pero si ta
asina cu nos a organiza encuentro cu e stakeholders, a duna nan participacion, numa
nos ta awor den e fase den cual nos ta trahando riba e leynan necesario y na comienzo