Page 15 - MIN ON DEC 18,2015
P. 15
48 Djabièrnè 18 Desèmber 2015
GMN TA
SOSTENE
FEFFIK KU
PROYEKTO DI
DRECHA OUTO
...No por deshasí di
propiedat di gobièrnu
sin mas...
WILLEMSTAD.-
Resientemente EXTRA a
haña informashon ku na
LVV tin un kantidat di outo,
ku a pone pa kita piesa for di
nan òf pa laga ‘crush’ nan.
EXTRA a papia largu ku sra.
Geraldine Christina SG di e
Ministerio i el a splika ku na
promé lugá no t’asina asina
ta kue propiedat di gobièrnu
i laga ‘crush’.
“Nos tabatin 3 outo ku
ta na FEFFIK den kuadro
di un proyekto kaminda
e hóbennan ta drecha e
outonan di manera ku nos
por haña nan bèk. Ta kita
piesa for di outonan ku no
ta den uso. Entre 3 pa 4 outo
a keda. Ora ku e hóbennan
di FEFFIK kaba ku nan
proyekto di drecha outo,
ta hasi un inventarisashon
kompleto di loke a sobra.
Esaki ta un responsabilidat
di DOW i Ministerio di
Finansas. No por deshasí di
propiedat di gobièrnu di un
forma iresponsabel. Mester
evaluá promé i despues ta
determiná si ta bende òf
ta deshasí di e outonan. E
forma kon ta deshasí di outo
no ta nos responsabilidat”,
asina sra. Christina a splika
EXTRA.
JUAN PABLO
DUARTE I MIL A
SERA PA MOLESTER
DI HUMA
WILLEMSTAD.- El a bira
un kustumber. Un biaha mas
Skolnan Juan Pablo Duarte
i MIL a laga alumnonan
bai kas pa motibu di
molèster di huma. E biaha
aki, sinembargo kontrali
na loke semper sa bisa, e
molèster no tabata grandi.
Un funshonario ku ta na
altura di e situashon a bisa
ku no tabatin alumno ku a
bira malu niun hende no a
saka ni nada. Simplemente
tabata molèster di huma di
Isla. Den pasado e huma
tabatin efektonan mas
grandi ku tabata duna doló
di garganta i kimamentu di
wowo, pero esei no tabata e
kaso e biaha aki.
