Page 12 - MIN VOS 2 MARCH 2016

Minister Alex Schwengle Te ainda ningun begroting cu por a
mira di SABA ta realistico

Tuesday, 01 March 2016 21:25
Tweet
Comparti

E tema di SABA ta uno cu a haci cu Minister Alex Schwengle a baha skerpi riba directiva di SABA. Pa loke
ta e parti financiero, e minister a comenta cu na e momento cu sa kico e demanda ta, dus cuanto cliente
tin di berdad, ki sorto di cliente bo tin, e ora bo tin cu hustifica cuanto placa bo ta duna cada cliente. E
ora bo por traha un presupuesto realistico. Te ainda ningun begroting cu por a mira di SABA ta realistico.

Pa colmo den nan cuentanan anual, no ta buta cuanto placa nan ta haya na donacion. Wit Gele Kruis, cu
tin e mesun statutonan, si ta duna cuenta. Cada florin cu haya of wordo uza, nan ta pone den nan rapport
y pa colmo WGK, nan mes ta laga controla nan jaarverslagnan tur aña door di un accountant
independiente. SABA no ta hacie y SABA ta bisa cu nan Raad van Toezicht mes ta keur’e goed. Awendia
esey no por mas. Pa colmo no mester lubida cu e voorzitter ta un accountant, cu a traha pa gobierno. Ta
un berguensa cu e persona aki no ta haci su huiswerk. E minister ta di acuerdo cu e sindicato di bisa cu
nan kier mas transparencia y e minister mes ta bringando pe. E no ta bay facil pasobra e no tin su forsa
hinca den Raad van Toezicht y e statutonan ta prohibie pa haci algo. Unico manera pa haci algo cu SABA
ta stop e subsidio. Pero mester ta honesto, cu un gobierno of un minister stop un subsidio di SABA? Si
mester stop cu esaki, ta nifica cu ta butando cu ta pone tur e grandinan riba caya y SABA sa esey y nan ta
haci abuso di e poder ey. E parti financiero: e no ta transparente suficiente. A papia cu minister di
Finansas, cu a bay di acuerdo pa manda CAD, nan a cuminsa caba pa bay no solamente bay na SABA,
pero pa Wit Gele Kruis, pa bay haci un audit financiero den e ultimo cinco añanan. Ta nifica cu SABA y
Wit Gele Kruis ta bay pasa door di un audit y door di CAD, locual tur gobierno anterior, no solamente di
signatura berde, pero geel, nunca a haci’e, cos cu mester a tuma luga y Schwengle ta laga haci’e pasobra
mester di e audit aki. Dicon mester tur e transparencia y tur e datonan aki, ta pasobra a dicidi cu ta bay
pasa e ouderenzorg completo bay di maneho di AZV unda cu e ouderenzorg ta keda na Departamento di
Salud Publico, caminda cu nan lo tin e tarea pa stipula e direccion di maneho di nos grandinan, hunto cu
minister y ta delega e ora e opdracht na AZV y AZV ta ehecut’e y nan lo maneha e parti financiero. Esey ta
un manera mas transparente, un manera mas eficiente pa hiba e maneho di cuido di nos grandinan,
Schwengle a splica. Schwengle a comenta cu nan ta trahando duro riba e plan nobo y pa 2017 e keda cla y
cuminsa ehecuta esaki. E no ta kere cu e maneho den futuro lo bay ta mas barata. E ta kere cu e lo rekeri
un inversion basta bon danki vooral den wijkzorg y thuiszorg.