Page 13 - MIN VOS 2 MARCH 2016

Minister Schwengle Ta un berguensa cu e maneho di SABA
ta hunga politica

Tuesday, 01 March 2016 20:43
Comparti

Minister Schwengle tabata hopi skerpi, durante di e conferencia di prensa cu a tuma luga diamars mainta
riba un tema specifico, esta SABA, caminda cu el a expresa cu e ta haya cu ta un berguensa cu maneho di
SABA ta hunga politica. Nos tin cu mira e intrankilidad cu tin cerca ABV cu awor aki ta representando e
trahadonan na SABA.

Tin cu bisa cu e problema no ta SABA so, pero cuido en general di nos grandinan y e problema mas
grandi cu falta hopi data. Tur hende ta papia tur cos. Door cu ta wak berdad cu tin cierto falta den cuido
di nos grandinan. Pero prome cu tuma cualkier paso pa dicidi bay inverti miyones den cualkier parti bo
mester sa prome unda e placa ta bay y esey ta e problema mas grandi cu Schwengle tin. Minister tin un
organisacion cu yama SABA, unda cu e tin den su statutonan cu e ta un fundacion completamente cera
pa gobierno. Ta nifica cu gobierno su responsabilidad pa dun’e mas cu 22 miyon y na final di dia eigenlijk
no tin idea kico nan ta haci cu e placa aki exactamente. A cuminsa haci hopi pregunta y ta hayando poco
respuesta di parti di bestuur y mester sa cu bestuur di SABA ta manera hopi conservativo hinca den otro,
unda cu tin un Raad van Toezicht y e director ta parti di e Raad van Toezicht, sin stemrecht. Esaki
eigenlijk ta un sistema hopi bieu y no ta cumpli mas cu e reglanan di bon gobernacion mundialmente
moderno. A bira tempo pa bay reevalua ya pidi den varios ocasion pa reevalua nan sistema y duna
gobierno su participacion den Raad van Toezicht, e mandatario a splica. No ta bisa cu gobierno mester
manda den e Raad van Toezicht, pero si tin cinco miembro, ta na su luga, mirando cu gobierno ta duna
mas di 22 miyon na subsidio, duna gobierno un of dos representante den Raad van Toezicht pa asina tin
miho bista kico ta pasa exactamente den SABA. Ta wordo bisa yen di cos, ta wordo papia y tin citica riba
e wachtijde cu tin. Schwengle tambe tin e critica eynan y ta un berguensa cu tin wachttijd. E ta exist pa
tanto tempo caba. No bin haci cuenta cu ta awo aki cu Schwengle tey cu tin wachttijd. Semper a acepte
pero no ta compronde dicon. Tambe ta wordo bisa cu tin yen di vacatura cu tin cu wordo yena, cual tin
yen di interogante. A wordo propaga tin baha 400, 300 wachttijden. E ta alrededor di 190 y pa colmo no
ta al dia. Esey ta nifica cu ora bay haci un analisis, tin hende cu hasta a fayece cu ta riba wachttijden y tin
hende cu a nenga y pa un solo motibo. Ta un berguensa cu e maneho di SABA ta hunga politica. Nan ta
buta e lista asina largo, pa nan haya mas placa di gobierno. Schwengle a mustra cu no mester pone
presion riba dje. Mustr’e e cifranan adecuado y e lo bringa pa haya mas placa. Ta sigur ora cu bin cu un
business case na Staten cu cifranan concreto, no lo tin un politica cu lo nenga pa duna mas placa pa cuido
di nos grandinan, e minister a enfatisa. Gobierno tin dos aña ta roga saba pa duna kico ta e werkelijke
vraag en aanbod. Kico ta e motibo pa kico e hendenan kier drenta SABA. Si ta un motibo social,
economico of cuido di berdad. Dicon. Pasobra un persona cu ta un verpleegpatient of verpleegklient, lo
bay costa miles y miles pa luna, pa dun’e un bon cuido. Pero si un persona ta eynan cu e mes por cuida su
mes, pero pa motibonan social, e no por ta na cas mas, esey ta suppose di costa hopi menos placa. Awor
aki gobierno ta paga un bedrag per klient y ta riba 6000 florin pa luna. No ta nada, tanten cu e placa ta
hustifica mester pag’e tambe. Ainda minister ta warda riba e datonan ey, Minister Schwengle a remarca.

http://www.24ora.com/politica-mainmenu-18/105883-minister-schwengle-ta-un-berguensa-cu-e-
maneho-di-saba-ta-hunga-politica