Page 15 - MIN VOS 2 MARCH 2016

Remo Kock Tanten cu SABA no haya peticion oficial di e
accion, trahadonan cu a welga no ta wordo paga

Tuesday, 01 March 2016 19:24
Tweet

Comparti

SABA tabata tin reunion cu famianan di e clientenan cu tin na San Pedro Paviljoen, cu a tuma luga
dialuna atardi laat. Remo Kock, director di SABA, a splica cu hopi hende a atende e reunion aki y a duna
SABA e oportunidad como team di maneho pa duna nan version.

A papia ampliamente riba e rasonnan pakico cu a tuma medidanan cu a tuma, unda cu e calidad di bida
di e cliente, cu ta esun mas importante, cu na dado momento no tabata responsabel mas pa mantene e
situacion asina, cu tin riba diferente departamento, caminda cu no tabata tin suficiente personal. Tambe
a saca foyeto cu informacion riba dje, caminda cu esnan presente por a puntra. A bin cierto pregunta
dicon no ta mantene e grupo manera e ta na Reseda y hal’e pa un otro localidad, unda cu a splica tambe
cu esey no ta e miho solucion pasobra, ta hala popchi di un banda pa un otro banda, sin soluciona e
escases di falta di trahado riba e diferente departamentonan. A splica nan ampliamente un biaha mas cu
e miho manera cu por haci ta hala e diferente empleadonan, pone nan riba e buraconan cu tin di
vacatura, cera nan, cu na dado momento tin un team cera riba cada un departamento, cu por duna e
calidad di bida di servicio, manera cu nan a bin ta custuma. Un di e cosnan cu e famianan a trece dilanti
ta cu nan ta hopi contento cu e servicio cu SABA ta duna como famia. Kock a sigui splica cu tabata tin
emocionnan y ta natural, pasobra manera hopi ta bisa, cu tin hopi aña eynan, e mayor of tanta of primo
tin hopi aña na Reseda y a bira un famia, no solamente pa esnan cu ta biba den e mesun hala, pero tambe
pa e empleadonan. Nan ta haya esey un tiki dolor pasobra nan ta haya cu ta plama un famia. A splica nan
tambe cu tin cierto cuponan na Playa cu esunnan cu kier keda na Playa, por haci esaki y ta papia cu cada
un persona y hopi a duna di conoce unda nan lo kier bay. Conhuntamente a bin cu e miho solucion unda
cu por ehempel si un famia ta biba na San Nicolas, caminda a duna di conoce ayera nochi, ta prefera pa e
ruman bay na San Nicolas, e ora por cana bay cerca dje. Ya caba e solucion a cuminsa bin dimes cu nan
mes ta wak e beneficionan tambe cu awor aki tin, por ta anteriormente no tabata tin luga un caminda cu
awor aki si por hacie. E situacion ta pega sinembargo cu e sindicato y e empleadonan cu ta para duro y
tur cuater centro di SABA tin un protesta di dos ora. Kock a splica cu e no a haya ningun peticion di
sindicato pa un welga. Esey mester bin oficialmente pasobra momento cu no bin oficialmente, esun cu a
sali afo, no ta wordo paga. E contesta di parti di SABA a bay ayera. A saca e carta cu e director su firma
banda di merdia di ayera, y ayera nochi, door cu tabata druk a saca e email un tiki laat, pero el a sali
ayera tambe. E contesta cu a manda ta loke ultimo biaha a wordo papia. E rasonnan ya conoci ta keda
vigente y nada no a cambia. E mas prome ta escases di vacatura cu no ta cerando, unda cu tin cu cera e
departamentonan di tal manera pa duna e servicio manera mester ta. Tambe e condicion di e edificio,
unda cu tin awor caba cu tin cama bashi cu por yena y keda duna servicio di calidad aceptabel. Sindicato
ta para ariba cu ta pa renobacion y chens tey cu no lo bolbe mas. Segun Kock, Sindicato ta keda riba un
punto cu no ta cuadra y Kock no tin nada di bisa riba esey. Ela papia hopi caba y si e sindicato ta keda
riba e punto ey, Kock no por yuda cu esey. Kock ta splica cu loke ta haciendo ta iresponsabel pa nos
grandinan y si esey ta e miho manera pa haya nan gana, sin cu tin rasonnan valido, e ta pensa cu ta algo