Page 14 - MIN VOS 2 MARCH 2016

Pa hopi cu e ta pusha, e cos na SABA no ta bay liher manera
cu e mes ta prefera segun minister Schwengle

Tuesday, 01 March 2016 21:27
Tweet

Comparti

Si wak e analisis na 2011, ta Cede Aruba a paga pa e investigacion, unda cu nos grandinan a bisa cla y
raspa cu nan kier keda cas of nan kier keda den nan mesun bario. Eigenlijk mayoria di nos grandinan no
kier bay SABA, nan kier keda cas segun minister Alex schwengle. Esaki ta algun di e puntonan cu e
mandatario a trece dilanti durante e conferencia di prensa yama pa gobierno.

Pesey, mirando esey, ta haciendo analisisnan pa bay wak cuanto mester bay inverti, no solamente den
placa, pero tambe den recursonan humano. Mester pa por logra esaki pa nos grandinan por keda mas
largo posibel cas of den nan mesun bario. Esey ta algo importante y hopi bunita pa haci pa nos grandinan
y e lo bay costa placa. Na su debido momento ora tin tur analisisnan cla, lo presenta tur e datonan aki na
Parlamento, ministernan y prensa, pa asina duna pueblo e datonan pa tur hende ta na altura kico ta
pasando. Otro problema tambe ta e parti fisico. Gobierno di gabinete Mike Eman II ta traha hopi duro pa
drecha e facilidadnan no solamente na Savaneta, pero tambe na San Nicolas. Pero esunnan na Playa
tambe ta rekeri hopi mantencion. A haya placa di Staten locual ta un suma di 250 mil florin djis pa por
patch up e luga, pa e por wanta. Mientras ta bin cu un luga miho, sea verbouw of nieuwbouw, pa asina
pabao di brug y pa Playa por tin algo mas miho. e ta rekeri su tempo si pa bin cu un plan asina y lo ta
costoso. Pesey mester haci e huiswerk hopi bon. Parti di personal tambe gobierno a haci su best pasobra
tabata tin antes hopi trahado cu a bay cu pensioen, cu a sigui traha pasobra no tabata tin pensioen
drechi. Gobierno a duna un aporte na e personal. Schwengle tin hopi respet pa tur hende cu ta traha den
cuido, no solamente pa su mesun coleganan dokter, pero sigur pa e verpleegend personeel. E mes ta casa
cu uno y nan ta traha hopi duro mes. E dokter ta yega, ta wak e pashent, djey el a bay y laga su opdracht.
Pero esun cu ta biba y come tur dia cu e clietenan, ta e verpleegend personeel. E schoonmaakpersoneel,
tur cu ta duna sosten, ta hopi importante pasobra nan ta zorg pa e cama y espacio ta limpi, etc. Nan ta un
paar di wowo extra cu ta tira un bista si tur cos ta bay bon cu nos grandinan. No ta un cuestion cu no tin
respet pa nan. Pero pa djis bay grita cu falta, si. Probablemente falta personal, pero no tin bista, door cu
falta data, door di sa exactmente cuanto personal falta y ki sorto di personal falta. Loke si ta bon di bisa
di SABA ta cu loke nan a haci ultimo tempo ta pa upgrade nan personal. Un grupo a wordo educa na un
nivel mas halto y e parti financiero di nan parti di personal, lo wordo drecha na caminda tambe. Esey
DRH ta bezig cu e analisisnan pa wak con nan lo subi den schaal. Tambe tabata tin personal cu tabata tin
hopi achterstand den bevordering. ta trahando riba esey. A haci un parti caba aña pasa di un suma di 1.5
miyon di retraso di promocion y falta. E aña cu ta bay ta spera cu por tin un cleansheet pa asina tambe
tin mas trankilidad cerca e personal pasobra nan merece esaki. Parti di e inkietud cu tin na SABA ta na su
luga, pero e gran parti ta haya cu ta un responsabilidad hopi grandi di e falta di transparencia di e
maneho di SABA mes. Naturalmente cierto responsabilidadnan ta di e minister y ta trahando riba nan y
ta desea cu cos bay mas lihe. Pa hopi cu e ta pusha, e no ta bay mesun lihe manera cu e mes a prefera, e
minister a comenta.

http://www.24ora.com/politica-mainmenu-18/105887-pa-hopi-cu-e-ta-pusha-e-cos-na-saba-no-ta-bay-
liher-manera-cu-e-mes-ta-prefera-segun-minister-schwengle