Page 36 - MIN VOS

22 AWEMainta Diamars, 26 September 2017

Lotto ta felicita OCA p’e

Exitoso Feria

Internacional

Interpaso 2017

celebrando su 32

aña di existencia

RECIENTEMENTE, Villa Floralina tabata e cas di e Feria
Internacional, Interpaso 2017 cu a gosa di un acogida enorme.
Durante tres dia largo tabatin competencia den tur modalidad
combina cu e ambiente unico cu e Feria Internacional di Paso Fino
so por a ofrece esnan presente.
Pa varios luna e Organisacion Caballista Arubano, OCA a prepara
nan mes p’e competencia di cabay mas grandi riba nos isla. Aruba
a competi contra paisnan grandi manera Colombia, Republica
Dominicana y Corsou.

Mester bisa cu Aruba a haci un tremendo papel logrando varios
premio maximo durante di e tres dianan di competencia. Mas cu
claro e competidornan di exterior tabata di un nivel super bon y
a sa na duna bon prestacion cu a cay na agrado di e huradonan di
exterior.
Den varios categoria manera horsemanship, principiante amazona,
principiante jinete, Duenos Montados, Jinetes Aficionados 21-24
aña, Amazonas Aficionados 21-24 aña, Amazonas aficionados 18-20
aña, Amazonas Junior 12 -14 aña, Principante Amazonas 15-17 y
Principante Jinete 15-17, e cabayistanan di Aruba a logra varios Oro.

Mas cu claro e amazona y jinetenan di tanto Corsou como Republica
Dominicana tambe a logra algun puesto maximo. Un bes mas Fed-
eracion di OCA por mira tras di un otro exitoso Feria Internacional
cu e Interpaso 2017 cu sigur a gosa di un bon publico.
Lotto, e Loteria di Aruba pa medio di Comision di Subsidio ta masha
contento di por aporta na subsidia e Feria Internacional Interpaso
2017 organisa pa OCA.