Page 11 - IMSAN FEB 26,2015
P. 11
Departmento di Dialyse di IMSAN ta anuncia actividadnan
pa Siman di Riñon
W ednesday, 25 February 2015 20:58
Comparti
World Kidney Day ta wordo conmemora na tur pais riba e di dos diahuebs di e luna di maart. E Centro di
Dialyse di Instituto Medico San Nicolas (IMSAN) a anuncia tres actividad special cu ta tuma luga durante
di un siman dedica na e organo esencial aki.
E actividadnan ta enfoca riba conscientisacion tocante e funcionamento y cuido di riñon en general.
Glenda Nuñez-Kelly, kende ta hefe di e departamento di dialyse di IMSAN a duna un splicacion di cada
actividad den un entrevista. Dia 8 di maart pa 5’or y mey di atardi ta tuma luga un Bike Tour cuminsando
na IMSAN pa subraya e importancia di movecion pa un bida saludabel. Tur persona interesa pa participa
por inscribi for di awo caba na IMSAN of na On The Rocks Café na Oranjestad. Riba dia di e bike tour ta
pidi pa tur persona pasa registra 5’or y asina ta cla pa cuminsa 5’or y mey. Riba dia 11 di maart Dokter
Falconi y Dokter Garcia, hunto cu enfermeronan y e dietista trahando na e centro di dialyse lo ta
anfitrion di un anochi di informacion pa publico general, incluyendo personanan cu ta biba cu malesanan
cu por of ta afecta nan riñon. Nuñez-Kelly a splica cu lo duna tur informacion tocante con dialyse ta
funciona, kico e ta encera exactamente, con e riñon ta funciona, cuido general di e pashent, y mucho mas.
E ta recomenda pa famia, amigo y conocinan di pashentnan di dialyse of personanan den e fase di pre-
dialyse pa tambe atende e presentacion aki y asina ta bon informa tocante e condicion cu ta afectando e
salud di nan ser keri. Riba Dia Mundial di Riñon, esta diahuebs 12 di maart, comunidad di Aruba y
specialmente habitantenan di e barionan den y rond di San Nicolas, ta wordo invita pa haci un Health
Check gratis na IMSAN. Lo tin dokternan y enfermeronan presente, como tambe e dietista di IMSAN pa
duna conseho tocante salud, peso, etc. cu enfasis naturalmente riba con pa mantene e riñonnan
saludabel. E Health Check ta tuma luga entre 8’or di mainta pa 12’or di merdia y ta wordo cera cu un
“toast” cu un glas di awa, subrayando asina e importancia pa bebemento di awa pa mantene e riñonnan
saludabel. E actividadnan aki ta wordo realisa cu cooperacion di parti di e plataforma di salud, hospital y
Kidneys 297.
http://www.24ora.com/local-mainmenu-5/92236-departmento-di-dialyse-di-imsan-ta-anuncia-
actividadnan-pa-siman-di-rinon
pa Siman di Riñon
W ednesday, 25 February 2015 20:58
Comparti
World Kidney Day ta wordo conmemora na tur pais riba e di dos diahuebs di e luna di maart. E Centro di
Dialyse di Instituto Medico San Nicolas (IMSAN) a anuncia tres actividad special cu ta tuma luga durante
di un siman dedica na e organo esencial aki.
E actividadnan ta enfoca riba conscientisacion tocante e funcionamento y cuido di riñon en general.
Glenda Nuñez-Kelly, kende ta hefe di e departamento di dialyse di IMSAN a duna un splicacion di cada
actividad den un entrevista. Dia 8 di maart pa 5’or y mey di atardi ta tuma luga un Bike Tour cuminsando
na IMSAN pa subraya e importancia di movecion pa un bida saludabel. Tur persona interesa pa participa
por inscribi for di awo caba na IMSAN of na On The Rocks Café na Oranjestad. Riba dia di e bike tour ta
pidi pa tur persona pasa registra 5’or y asina ta cla pa cuminsa 5’or y mey. Riba dia 11 di maart Dokter
Falconi y Dokter Garcia, hunto cu enfermeronan y e dietista trahando na e centro di dialyse lo ta
anfitrion di un anochi di informacion pa publico general, incluyendo personanan cu ta biba cu malesanan
cu por of ta afecta nan riñon. Nuñez-Kelly a splica cu lo duna tur informacion tocante con dialyse ta
funciona, kico e ta encera exactamente, con e riñon ta funciona, cuido general di e pashent, y mucho mas.
E ta recomenda pa famia, amigo y conocinan di pashentnan di dialyse of personanan den e fase di pre-
dialyse pa tambe atende e presentacion aki y asina ta bon informa tocante e condicion cu ta afectando e
salud di nan ser keri. Riba Dia Mundial di Riñon, esta diahuebs 12 di maart, comunidad di Aruba y
specialmente habitantenan di e barionan den y rond di San Nicolas, ta wordo invita pa haci un Health
Check gratis na IMSAN. Lo tin dokternan y enfermeronan presente, como tambe e dietista di IMSAN pa
duna conseho tocante salud, peso, etc. cu enfasis naturalmente riba con pa mantene e riñonnan
saludabel. E Health Check ta tuma luga entre 8’or di mainta pa 12’or di merdia y ta wordo cera cu un
“toast” cu un glas di awa, subrayando asina e importancia pa bebemento di awa pa mantene e riñonnan
saludabel. E actividadnan aki ta wordo realisa cu cooperacion di parti di e plataforma di salud, hospital y
Kidneys 297.
http://www.24ora.com/local-mainmenu-5/92236-departmento-di-dialyse-di-imsan-ta-anuncia-
actividadnan-pa-siman-di-rinon
