Page 8 - IMSAN FEB 26,2015
P. 8
IMSAN y ABV ta wardando aprobacion di presupuesto pa
finalisa nan prome CAO
W ednesday, 25 February 2015 21:50
Comparti
E negociacion entre Instituto Medico San Nicolas (IMSAN) y ABV ta bayendo den un bon ambiente y e
dos partidonan, segun Director di IMSAN, dr. Joel Rajnherc, ta yegando facilmente na acuerdonan riba
hopi punto.
E acuerdo final ta bira e prome CAO entre IMSAN y e sindicato pa personal medico. Dr. Rajnherc a
expresa den un entrevista cu IMSAN ta hopi contento cu e asistencia cu e trahadonan y directiva ta
ricibiendo di mediador Anselmo Pontilius y ta gradicie pa su sabiduria y experiencia. ABV ta representa e
mas of menos 160 empleadonan di IMSAN, kende hunto anualmente ta ricibi alrededor di 15 pa 16
miyon florin na salario. E director a splica cu un di e problemanan cu ABV y IMSAN como
“gesprekspartners” a topa cune ta e falta di un presupuesto pa por asina finalisa e detayenan cu ta
concerni finansa y beneficionan di e empleadonan. Esaki ta un consecuencia di e falta di un presupuesto;
Pais Aruba no tin su presupuesto pa 2015 ainda y consecuentemente AZV no a duna IMSAN un
presupuesto pa 2015 pa traha cune tampoco. “A base di esey ami no por bay di acuerdo cu preguntanan
of deseonan di ABV, pasobra mi no por bay duna un garantia cu mi por realisa algo cu mi no sa si mi tin e
placa p’e ainda. Esey ta algo cu tur dos banda ta compronde hopi bon y nos ta wardando e di tres partido
pa nan yega na e situacion ey pa nos por bay finalisa e asuntonan,” Rajnherc a splica. Tur gasto di IMSAN
ta wordo financia pa medio di AZV y nada no ta bay directamente via di gobierno. Mescos cu añanan
anterior, AZV ta wardando e landsbegroting y pues IMSAN y AZV mester warda pa por sigui negocia e
parti ey di e CAO. Pa e motibo aki e dos partnernan no a ni cuminsa e combersacion serio tocante
salarionan y aumento. Aunke cosnan ta bayendo den bon direccion, tur hende ta consciente di e
problemanan financiero cu nos isla ta aden, el a agrega. “Di tur dos banda tin hopi bon cla na bista cu e
situacion ta hopi precario financieramente pa IMSAN tambe. Tur hende ta compronde cu pa nos sigui
desaroya primariamente mester wordo inverti den e hospital. Pa nos sigui ofrece e 160 hendenan aki un
trabao nos mester amplia nos servicionan. Pa haci esey, esey mester bira e prioridad financiero tambe,
anto tur hende ta keda cu su trabao,” Rajnherc a bisa. El a splica cu ora e ampliacion di IMSAN tuma luga
lo tin mas espacio pa haya un miho presupuesto, pasobra IMSAN lo bay haya mas entrada for di e
expansion di servicionan. Esaki ta haci posibel pa den futuro amplia e financiamento di esunnan cu ta
traha na e instituto. Dr. Rajnherc a comenta cu tin mehoracion y ampliacion di servicionan ya tumando
luga caba, manera e adicion di e centro di dialysis di cual nan ta hopi orguyoso. Tambe a mehora e
calidad di servicio cu profesionalisacion di henter e team di ambulance pa medio di e trainingnan mas
avansa riba e tereno aki y e departamento di emergencia a wordo restructura unda a concentra riba cuido
y a mehora e calidad di tratamento cu ta wordo duna. IMSAN ta tuma como guia e standardnan di JCI pa
asina por yega na e acreditacion internacional desea pa por acopla tur otro desaroyo cu ta tumando y ta
bay tuma luga.
http://www.24ora.com/local-mainmenu-5/92250-imsan-y-abv-ta-wardando-aprobacion-di-
presupuesto-pa-finalisa-nan-prome-cao
finalisa nan prome CAO
W ednesday, 25 February 2015 21:50
Comparti
E negociacion entre Instituto Medico San Nicolas (IMSAN) y ABV ta bayendo den un bon ambiente y e
dos partidonan, segun Director di IMSAN, dr. Joel Rajnherc, ta yegando facilmente na acuerdonan riba
hopi punto.
E acuerdo final ta bira e prome CAO entre IMSAN y e sindicato pa personal medico. Dr. Rajnherc a
expresa den un entrevista cu IMSAN ta hopi contento cu e asistencia cu e trahadonan y directiva ta
ricibiendo di mediador Anselmo Pontilius y ta gradicie pa su sabiduria y experiencia. ABV ta representa e
mas of menos 160 empleadonan di IMSAN, kende hunto anualmente ta ricibi alrededor di 15 pa 16
miyon florin na salario. E director a splica cu un di e problemanan cu ABV y IMSAN como
“gesprekspartners” a topa cune ta e falta di un presupuesto pa por asina finalisa e detayenan cu ta
concerni finansa y beneficionan di e empleadonan. Esaki ta un consecuencia di e falta di un presupuesto;
Pais Aruba no tin su presupuesto pa 2015 ainda y consecuentemente AZV no a duna IMSAN un
presupuesto pa 2015 pa traha cune tampoco. “A base di esey ami no por bay di acuerdo cu preguntanan
of deseonan di ABV, pasobra mi no por bay duna un garantia cu mi por realisa algo cu mi no sa si mi tin e
placa p’e ainda. Esey ta algo cu tur dos banda ta compronde hopi bon y nos ta wardando e di tres partido
pa nan yega na e situacion ey pa nos por bay finalisa e asuntonan,” Rajnherc a splica. Tur gasto di IMSAN
ta wordo financia pa medio di AZV y nada no ta bay directamente via di gobierno. Mescos cu añanan
anterior, AZV ta wardando e landsbegroting y pues IMSAN y AZV mester warda pa por sigui negocia e
parti ey di e CAO. Pa e motibo aki e dos partnernan no a ni cuminsa e combersacion serio tocante
salarionan y aumento. Aunke cosnan ta bayendo den bon direccion, tur hende ta consciente di e
problemanan financiero cu nos isla ta aden, el a agrega. “Di tur dos banda tin hopi bon cla na bista cu e
situacion ta hopi precario financieramente pa IMSAN tambe. Tur hende ta compronde cu pa nos sigui
desaroya primariamente mester wordo inverti den e hospital. Pa nos sigui ofrece e 160 hendenan aki un
trabao nos mester amplia nos servicionan. Pa haci esey, esey mester bira e prioridad financiero tambe,
anto tur hende ta keda cu su trabao,” Rajnherc a bisa. El a splica cu ora e ampliacion di IMSAN tuma luga
lo tin mas espacio pa haya un miho presupuesto, pasobra IMSAN lo bay haya mas entrada for di e
expansion di servicionan. Esaki ta haci posibel pa den futuro amplia e financiamento di esunnan cu ta
traha na e instituto. Dr. Rajnherc a comenta cu tin mehoracion y ampliacion di servicionan ya tumando
luga caba, manera e adicion di e centro di dialysis di cual nan ta hopi orguyoso. Tambe a mehora e
calidad di servicio cu profesionalisacion di henter e team di ambulance pa medio di e trainingnan mas
avansa riba e tereno aki y e departamento di emergencia a wordo restructura unda a concentra riba cuido
y a mehora e calidad di tratamento cu ta wordo duna. IMSAN ta tuma como guia e standardnan di JCI pa
asina por yega na e acreditacion internacional desea pa por acopla tur otro desaroyo cu ta tumando y ta
bay tuma luga.
http://www.24ora.com/local-mainmenu-5/92250-imsan-y-abv-ta-wardando-aprobacion-di-
presupuesto-pa-finalisa-nan-prome-cao
