Page 26 - bon-dia-aruba-20201123

A26 reino
Dialuna 23 november 2020

Gerencia di prizon di Corsou

sorprendi con Venezolanonan

cera a traha un buraco den

muraya pa huy

Na prizon di Corsou ta keda un misterio con 17 Venezolano
por a huy for di prizon sin cu ningun hende sa. Ta imposibel
pa kere cu SDKK –gevangenis no tabatatin e control debido
pa controla e preso den e prizon, pero tampoco e muraya ta
mustra di ta un muraya adecua cu e 17 prizoneronan por a
sali. Segun e corant extra na Boneiro bisiñanan cu ta biba den
besindario serca di e prison tabata scucha zonido fuerte , pero
tabata pensa cu lo ta trata algo di construccion. Sinembargo
e Venezolanonan aki tabata coba nan buraco pa por sali, un
cantidad di 17 Venezolano indocumenta y te ainda polis di
Corsou no por haya ningun rastro di nan. Na e momentonan
aki tin un investigacion andando pa pa haya sa dicon ningun
bewaker di e prizon a tuma nota di e echo aki

Na Rotterdam a keda deteni

ex polis yiu di Corsou pa

conexion cu mundo baho di

droga na Hulanda

Siman pasa a keda deteni na Rotterdam Hulanda un ex polis
pa motibo cu e tin y of cu ta traha cu personanan di baho
mundo cu ta esunnan cu tin conexion pa transporta e droga
via di container nan pa Hulanda. De Telegraaf a bin cu e no-
ticia aki di e caso di e homber Brian H cu siman pasa a keda
kita mesora for di unda cu e tabata fungi su trabao na Politie
Roterdam, E ta un sospechoso pa corupcion , pa saca informa-
cion for di computernan y tambe pa e kibra e ley di ambtenaar
cu nan ta hura pe na momento cu nan ta sirbi Pais Hulanda. E
ex polis ya caba tabatin 7 aña tabata traha como polis na Rot-
terdam y awor e ta un sospechoso di husticia.

Diasabra St Maarten a test 13 persona positivo cu COVID 19

Te ainda st Maarten ta den codi-
go oranje , esaki ta significa hopi
pa e isla. Sinembargo te cu dia
21 di november St Maarten tin
13 persona cu a test positivo y
tin un cantidad di 7 persona cu
a recupera. Actualmente tin un
cantidad di 81 caso positivo di
COVID na St Maarten y a keda
registra cu a test un cantidad di
996 persona.

Esunnan cu ta traha di e team cu ta
controla tur esunnan cu ta den cuar-
entena ta bishita un total di 79 hende
cu ta den isolacion na nan cas, tam-
be tin dos persona cu ta hospitalisa
pa ricibi tratamento mas avansa na
St Maarten Hospital Center. Tur es-
unnan cu ta den cuarentena a haci
contact traising cu nan pa asina mira
si mas rond di nan tin hende cu a
keda infecta si of no.

Tambe 1359 pasahero cu a bula pa
st maarten a test na Princess Juliana
International Airport .Actualmente
St Maarten tin 25 morto , pero ta
trata pa tin tur e situacionnan bao di
control pa asina St Maarten tambe
por sali for di e codogo oranje pa
nan economia tambe por crece.